miKe’S 嬉笑人生

真係好對唔住一個人…
我真係到依家都仲未醒番起我講過咩…
同埋係咪真係有或冇做一D野而令到人嬲左…
我真係記唔番起…. & 要你拎住咁重o既野行左咁耐…
真係唔能夠只係打字出黎形容…
但我亦唔知點做先可以令你好過番一點….
真係真係萬個不是…萬個對不起。
am0000左右收到sms….只係透過sms傾左陣…先知道大約發生左D事…
So…即刻想兜番…但係…兜到依家都唔知點…
只係希望唔好再嬲…就好嚕  ~”~  好對唔住喔!
am0500搞掂行先…..老闆同D Fd O係樹飲野…
飲到唔捨得走…sO..佢老婆阿Joe要一定等埋佢丫…
而同事同我就走先咯…..走個時…有個女同事又飲到醉左..又哭左出黎…
電話裡…又係一個男生…  =.=+
我發覺哩間埸D女…個個飲完都哭o既…  =.=+
不過冇辦法…全部都係貪玩個堆…同埋又係細路女…
我未入黎之前…樓面同拳手計晒…
最大果個岩岩C8搞完生日完都係先得22歲….
我入左黎之後就最老係我  /.\  暈了…
除左Tiky之外…其他D女&有一條仔都係唔做野架  =.=+
一多人D女就只係掛住o係自己台玩….自己台冇哩樣呀個樣又唔自己跟番…
最衰就係爆唔爆埸時都係咁…  /.\  激死左…~”~
飲又仲要唔係飲得多啵…一係你就全程坐o係到飲..
飲多多飲死佢…我咁仲開心添…..一係就做番侍應…唔好猜…..
唉….請埋哩D人…真係覺得好似唔係咁好…
同埋…侍應又做埋拳手個份….只係都係累死間鏑咁…
硬係覺得唔係咁對路….不過岩岩轉手…可能冇辦法掛…  =口=|||
另一方面有時會仲有多一條仔黎番工o既…不過又係死得o既..
做到天一半地一半….真係寧願你唔好做好過做喇…做完我又要跟番…  =0=+
唉….唔知…唔理喔!   照做也。
下星期開始…男侍應呢….如無意外…我將會係拍住阿文一齊做o既ja..
即係得兩條仔…同埋D女….依家平日都只係得我一條仔….
而旺個幾日…拍住阿文…一定爽死….一定好舒服ja我….嘿..
因為佢又係做開飲食o既…而我依家又上手咯….一定好開心o既ja…
成埸玩晒….YA～ ^^

am準時0400收得皮….但係老闆成班同埋D女o係樹玩剩飲Chivs…
六男打六女….輸左一方飲晒一隻High Ball杯…  =0=+  爽呀!
好彩到後尾有我份玩個幾鋪…唔駛男方飲ja…因為女方輸左…嘿
如果唔係我諗今日又斜住走架喇  /.\
玩到真係好癲…開左支Chivas大炮出黎飲…
剩飲乜都唔準溝都飲左半支去….. ~”~
am0510收工行到去上左車一陣…
(又係斜斜地… =口=|||)
跟住冇耐…又見到Leo上前俾錢…
再望番轉頭…原來係佢同依家女友一齊上左車…
埋黎叫一叫我…又同我講話Kk &脆皮又上左C8..
跟住仲話..佢岩岩打俾KK個時…係脆皮聽電話….
仲聽到個Backgroup係 o係 Disco 入面添  /.\
個心…o係到諗左好多野…乜唔係KK話依家一個禮拜先見得脆皮一次o既咩?
但係點解…又好似晚晚都C8 o既?  ~”~||  R頭中加苦惱中…  =0=+
之後…傾左陣…我又眠著左丫..到落車都係Leo叫醒我,…
仲要我落左車之後發現又漏野o係車到丫…  /.\
好彩岩岩紅燈…跑得番上車拎番ja…
如果唔係…又激死自己….  ~”~
am0720 已經o係屋企呆緊喇 ….仲聽到電視已經掛起左3號風球…

AM0520…去到搭車個時…見到Leo又醉醉地…
由車上面落番黎…於是就同左佢去買野食…
買完野食先再番上車…再傾陣計…
先發現原來…Leo依家又係o係酒吧到做…
間野仲要o係我後面..即係o係寶勒巷..店名係叫HitBar…
後尾仲傾傾下…
提到…頭先KK(Leo前女友)去過佢間吧搵佢問佢今晚一唔一齊落C8
仲話俾我聽原來KK仲有D鐘意Leo…  =.=+  不過哩D我唔多理丫…
o係我心….我只係想KK個親生妹…即係脆皮…個心入面都仲有我…/.\
可能我咁樣諗真係好傻…仲傻得好更要添…但係..我問心個句…
依家過左快兩個月喇..都真係未放得低…仲係o係到等緊脆皮。

哩日pm1930就番到公司喇….番到去搞掂晒D野就吹左陣水….
有個女同事….埋黎傾左兩句….咦…你比你之前殘左啵….
跟住我話…唔係嘛…又殘左….?!   =口=|||
心諗…唔係嘛…唔通真係夜埸唔岩我做….?!!
其實都番左咁耐啦….一早已憤晒先係架…
仲點會番番下突然又殘左啵 ~”~||   真係唔明…

由Ｃ8 門口出黎….哇…見光死囉真係…
而o係琴晚玩緊個時…
又有兩位女同事傾開計埋黎問我有冇女朋友…
其實哩兩位女同事….之前都已經o係公司個時問過架喇…
幾條相同問題…係咪仲好掛住佢…& 鐘意佢等等…
答案都係一樣….係!!!
依家都好想追番佢….再同番佢一齊….!

接住差唔多番到屋企之前o係樓下食左個早餐添仲…
食完番上樓都仲好精神….於是又o係樹聽歌呆陣…
就係咁..時間好快又到左下午….
就同媽咪落左街整D野…之後再番上黎食埋個飯….
食完之後….亦都好精神…但係唔眠都唔得喇…
個時已經pm1300多架喇….再唔眠真係又變左直踩架喇…
會死人的….  /.\
就係咁….唔記得左幾點就去左覺覺豬啦….
豬完起身….pm2005打卡番到公司   /.\
遲左5mins  ><”  shit..shit….shit…….

夜d個時…唔知發咩癲….
無端端…突然叫左個水吧幫手整杯OCKTAIL出黎飲….
飲完一隻又飲另一隻…好彩差唔多爆燈….
飲完之後..個人即時上晒….斜斜地咁就去搭車回家…

哩一朝早收工成班同事食埋早餐先走…
o係走個時都已經係am0630喇…..
但仲趕到尾班小巴….真係好彩…於是就係咁
直接搭車入左上水…之後..
就拎左D香同生果就渣番車出去和合石搵大舅父….
因為早前去拜山個朝因為眠死左冇去到….So…
依家又有D時間同埋又唔眼訓豬住…
所以就去搵大舅父咯….
去到搞左好耐先點到香…因為大風之餘…
同埋咁岩個火機又冇乜Gas好難點….諗住苟 番車到搵火機啦…
點知又係冇Gas架  /.\
好彩到最後本身果個都仲點到…所以就點著左先上番去…
真係哩咁HEI丫….未到之前…仲記得要帶濕紙巾…同埋買野飲上去…
但係去到先記得唔記得嘛….  =口=||  失敗!!  ~”~
上左去逗留左陣….之後就番屋企….沖涼換衫接埋媽咪入去嚕….
入到去冇耐就覺豬啦我….
之後就眠到夜晚PM1800左右就起身喇….
同小狼(狠狗)玩左陣….發現佢真係大隻左好多又肥左……好得意…^^
冇耐就跟住食飯喇….同屋企人食完晒個飯之後走喇…
個時已經係PM2100…跟住就落番大埔…搵埋阿文…
同阿文一齊出去我公司…介紹佢去見工….點知一見就請左丫  @@”
好野…下星期有兩日一齊收尾….^^嘿嘿…而仲有一日就佢自己收尾..嘿..
PM2230阿文去接佢真係未來O既老婆收工….所以走先..
而我就等埋個Fd黎先走…結果就剩番一個人坐O係樹飲埋剩苟 黎d酒…
飲到咁上下…am0000
再打俾個Fd(雀肥)搞左好耐…最終係唔過黎架… =.=+
於是我就過左Cyber 8 喇….
過到去一見到佢仲清醒就梗係送左份禮物俾佢先丫…
上到去….又係指定動作丫…坐o係樹玩…飲….成晚都冇HI野…乖..XD

哩晚pm2000 再一次重返酒吧行業…
心裡覺得點樣呢?  唔知..! 就只係好似冇乜野咁….  XD
或者…會有D開心o既…因為可以同脆皮倨時間夾番到…
起碼唔駛等到am0800- am0900先丫…
哩晚返工….感覺都唔錯…..D人大致都幾Nice…
番工冇耐….講解完之後….就到一指定閒聊時間…..
就係有位男同事(KAFAI) 問我….點解會選擇夜埸做o既…
我就話…因為女朋友丫…想配合番佢o既時間同埋想多D名佢渣嘛…
而個男仔又講到…知唔知做哩D做唔得耐架…
我又話…知道…所以…會有個時間俾自己為限期。
(而個時限….其實亦已同個男同事說了的。)
最後…個男仔又問番轉頭…咦..你女朋友…又係做夜埸架…?
之後我亦都講左…脆皮o既職業出黎….
到做野嚕…大致上都好似大9乜特別好似好簡單咁…..
不過有一唔好o巴就係….哈哈….第一日返工就打爓左隻杯…嘿嘿…XD
好彩O既係….後尾都好平安咁過左哩一晚…^^
就係咁…搞掂晒d野….直到收工之後…O係街到兜左個圈…唔知去邊去…
就於是返左上蕭公司坐陣吹水….本來想見的就唔o係樹…
不過…好彩都仲見到一、兩個….後尾仲俾我見到名彬o係樹添….
之後就吹左陣水….傾到Irene做咩唔做o既….接住佢就話…
唔係唔做…只係暫時落樓ja…而我就冇問點解….
只係再同佢吹水…同埋就係講到…由我走左之後…哩到D人變左好多…
變左好多意思…唔係舊有o既人換過晒班新人入黎…
而只係….每個人對待o既野…..粗魯D咁形容o既…就只係鳩晒….
最搞笑一樣野就係…阿FLy話阿彬….唔好意思啵..
拳手呢..就只係得水同埋茶飲左啵…
其他飲品汽水橙汁等等個D都係要俾錢角啵….哈….我聽到都O 左…
又話…D自己同事又飲得…D男拳手又飲得…但係D女拳手就唔飲得…
跟住我話…梗係丫..笠水丫嘛..D仔有惡勢力蝦唔過嘛….
就係咁…吹多兩句…冇耐我亦都走咯….
返到屋企am0730左右啦…就開住歌….聽住就咁又覺豬左嚕….^^”

後記：
哩朝早同左Daddy去飲早茶….
唔知點解落到街之後個環境覺得好陌生…好害怕…
本身自己都覺得有D咁o既感覺…但係就唔知肯唔肯定…
so冇講到出黎…但其實已經正掛著在口邊….
到最後….點解會咁樣打番出黎記住呢…皆因係….
o係5月5號夜晚出完老尖番黎o既時候…
好主動咁打左個電話俾朋友傾訴….但係我未講出黎之際…
已經俾佢猜中了並說了出來嚕….
因為…佢都曾經有過好像我現在的情況發生過…
不敢面對任何事…
好奇怪的就是….可能今次我真係傷得太深喇…
好似之前咁我亦提過…由細到大我都從未選擇過逃避…
但係反而今次..亦都係第一次選擇左逃避…
點解我會變成咁架…..!?  因為害怕??
哩個問題真係到依家都唔知點解….
到底係咪因為脆皮呢?
對佢…我仲係未放得低…..一個月喇但係已經…
而持著脆皮哩份感情…我真係唔想放棄….
早前…曾經亦俾兩位朋友罵過….叫我醒丫等等o既說話..
o係同佢地傾訴詔程中….我其實都真係算幸運架喇…
o係咁o既情形下…仲有人埋黎幫自己起身…
而佢地o係咁o既處境下都係得自己一個人用左好耐時間先起得番身….
但係我就好好彩有哩兩位朋友….不過到最後…
一個人能否拔番黎出..都係睇佢自己…
睇個人本身o既問題…
而我..哩個傷口….真係…真係……………………….