miKe’S 嬉笑人生

28號am0110老婆收工打電話黎喇….此時我先安心番D…..
接住就問老婆一陣去邊喔咁…係咪去邊到邊到食埋野咁先再返返屋企喔?!
老婆即時反應話今日禮拜一啵……
er…我話係啵…你約好左今晚落Cyber 8 啵….咁幾點上去呀…!?  等哩D說話…
講完哩幾句,,,,再加上…咁..你今晚小心D玩丫自己…唔好High咁大呀…玩完打俾老公丫…咁就收左線嚕。
(因為如果再傾落去的話….老婆又會發脾氣架喇….)
之後我就繼續做野….但係都欠佳…..
約am0200多….有人煮左個炒河粉大圍食….而我就裝到成個大湯碗咁多….
仲要大過老婆屋企食麵個隻碗添….不過到最後…都係食左兩啖就倒晒嚕……
而我裝俾阿Fly個碗一樣咁多o既…佢就食晒….   -0-”
食完之後…就繼續做野丫….今晚又落雨又凍….都爆埸左一陣…但係就真係唔忙喇…時間一分一秒咁過去….各經理同老闆開完會之後….
出黎都傾左陣…..之後就有個老闆娘叫兩個侍應埋去傾….傾完之後…
就叫其中個侍應黎同我講…由今日開始要D客走晒先走得…
跟住我話…下…唔係嘛….唔得啵…之後佢又話….會補番OT $80蚊個鐘…
跟住我再問佢地…咁你地想要時間定錢丫….大家最終決定都係想走…唔要錢…
同我一開始o既諗法一樣。於是就即刻打俾阿Fly傾…o係到傾有關八點之後走o既問題…
各樣那樣….又同阿Fly講…你都知我唔得o既原因係咩架啦…
我初頭都係預左個埸會有Last Call之後會夠鐘時提宮趕客走架嘛…點知冇o既ja…
(雖然冇直接問過見工時個果人。但之後o係對話裡阿Fly好似提過下之前係有架..
但係我就唔記得因咩樹冇左。)
同埋我都只係一直預八點半到走得….因為八點收工…俾D客八點一兩個字D客走埋…
再執埋野,,…最多八點半到走得丫….
我同阿Fly講….你都知我要時間黎做乜架啦…..阿Fly明白講中左添….
再同阿Fly傾到話….如果我一陣咁講…咁可能有機會佢叫我聽日唔駛番工咯啵…
阿Fly都覺得有咁o既可能性….傾左陣之後…後尾就唔阻阿Fly休息…So收左線….
之後冇耐(見工時果個人)入左黎同我講….個阿姐做埋聽日…後日有以前o係到做過個阿姐番黎。
即係話後日開始….我同兩個侍應都可以準時八點鐘走人….而得個阿姐收尾。
聽完之後我只係嗯一聲咁應左就算。o係思慮過後…最終都係同佢講…
今日有D事…..可以好似之前咁走先嘛!?  跟住佢話得冇問題。咁就說聲Thank You丫～
講完之後….又過多陣…聽見佢講電話….
內容大致同我想原原本本想同見工時果個人講o既一樣…
我諗係阿Fly打番俾佢同佢傾喇…..之後見工時個果人收左線就走埋黎問我….
你今日有事R？跟住我話係呀….就咁又結束左對話。
am0810因為侍應收左D野番黎…搞到好多野要跟番先…所以佢地兩個拎完番黎…
就落左去食早餐先…因為驚有人o係到班客唔肯走丫….
之後到我搞掂晒D野個時都已經係過晒鐘喇….換埋衫出黎…..
因為台仆街客又話要哩樣又要個樣…之後最過份就係又話要可樂….
到拎到入去話因為埋晒數要俾現錢先…之後加o既幾Set酒o既錢就有俾呀….
但係罐可樂一聽見話$35蚊就話唔要…Cheap好爆丫…又問一罐可樂趣35蚊R!?
我話係呀,,,之後又問邊個落架個Order…就話頭先係位先生落啵…
講完之後….成堆人都話冇呀冇呀…冇人落呀…仲話唔要添…仆街黎架…未撚落過吧咩…
本身都紋紋地架喇…依家仲要我搞多咁多野….個個人都係打份工ja…咁撚大個人都唔撚識自律o既…
阻撚住人收工都有o既…哩個世界多咁哩D咁撚自私o既人真係仆街死得喇…
所以…以前去玩….我地成班都一定唔會做最尾走個班客…因為咁樣好樣衰架會…
好喇…搞完晒出黎….am0830終於可以鬆一口氣…打卡走喇….
收工個時…打左俾老婆話俾佢聽我收工喇….但係老婆仲係348入面…
所以就收線叫佢玩完先再打俾我喔…而我就行番出去搭車返屋企丫….
o係我行過去等車個時…老婆打黎話玩完走啦…面我同老婆本身好地地傾緊電話o既…
但係突然間老婆個邊有電話黎話佢有人見到我o係348附近….  -.-+
之後我話唔係….但老婆話我講大話丫…仲叫我唔好講大話啦你…..當堂O 左丫我…
我o係尖咀等緊車返屋企…而竟然俾人話o係348附近見到我….  =0=+  冇野嘛..!!!!
之後老婆又發脾氣喇…嘈左好耐…先冇乜事。跟住老婆就去左食野….
食完野之後老婆就返屋企….但係我就等左老婆成45分鐘都未聽見佢電話打黎話返到丫…
因為老婆o係食早餐時…佢自己部電話冇電…話番到去打俾我….
但係耐一耐都未打黎….最後老婆打黎…問番佢做乜會咁耐o既…
老婆就話…同個Fd一齊等車..等左成20分鐘左右丫…
等到巴士黎個時就發覺經老婆屋企附近….於是就一齊搭車喇…
就係咁搞到遲左丫……   -0-”    嚇死!
我返到屋企之後就同老婆玩左陣msn…同msn入面D遊戲….
玩完之後老婆就去眠豬….而我就打多陣日記先….
打到咁上下…阿奇打黎問我o係邊又有咩搞…我話冇呀…一陣眠丫…夜D再返工…
之後就俾阿奇捉左落去吹水喇…吹左陣水就o係阿奇部車到眠左陣…
到pm1415先圯2身上番樓番屋企。
而岩岩o係pm1420打左電話俾老婆叫佢起身報數…
但係老婆就好得意…係咁嗯…嗯完之後又唔識收線…^^”
嘻嘻~~~
跟住我就去洗白白…依家先上床眠咯….^^
早抖老婆…..
pm2015起身喇…..之後就賴床賴到pm2030….起身食埋飯…..
老婆突然打黎….一打黎就話 “起身喇….” 跟住我話…食緊飯喇已經。
(哩兩日好似識得點樣愛護及愛惜自己喇我好似….因為哩兩晚…起身之後都有食D飯…
以前o既我…岩岩起身你叫我食野…一定冇胃口食野…So..成日都係唔食架…)
傾左陣之後….發現老婆今日又遲到丫….所以都係唔阻老婆收線喇。
岩岩,…老婆又再打多次電話黎…話番到公司喇….仲得知換埋衫出黎添…
老婆真係快手喔….^^  不過…要小心工作喔….
依家o係pm2115…我都要換衫出門口喇…..
今日搭車都係眠著左架….但係好彩就到之前…阿奇打左個電話黎嘈醒左我…
如果唔係都又眠到總站架喇…而今日如果眠到總站的話一定遲到…因為我遲左出門丫…
返到公司打俾老婆諗住話俾佢聽我返到去喇咁….之但係打左兩次都冇人聽…
後尾老婆打番黎話有人Check緊埸….話遲D再打俾我….
咁我只好等老婆電話喇…今晚做野o既時候….都好爽快….冇悠悠閒咁慢慢做….
做左陣野之後老婆就打番黎嚕…之後我就講番本想話你聽我番到公司咁渣嘛…
跟住老婆就好串嘴咁話我….唔好再遲D先講….
咁我就話….其實返到黎就即刻打俾你想話你知嚕….只不過係你有人Check緊埸渣嘛  -0-”
老左陣…知老婆今日條數都唔係咁好…所以就好快咁又收左線咯…
之後就繼續做野….o係做緊野個時…阿Fly同我講…
以後都可以依舊咁八點鐘準時可以收工走人…
唔洗等班仆街客走晒先走得….呵呵…爽死了丫…
講真….OT$80一個鐘….的確好吸引…之但係….哩$80蚊係由客俾…
咁點問客拎呢？就好似今日咁…幾台客都o係差唔多八點前個幾分鐘埋晒單先…
咁條數又點加入張單到呢?  memo出左就話可以加入單到…
又或者問客拎現金….你估D客會唔會俾丫拿….!?
好….!!當客真係會俾番之後o既OT鐘錢喇…咁換取番黎o既….就只係累o既感覺…
點解!?  因為其實o係班高層未開會之前….兩位同事包括我都係冇OT補錢架…
而o係我入黎之後個時…o係我收工走左後剩落黎兩位侍應呢….就真係要等到客走先有得走…
我睇番佢地D卡…成pm1600幾先打卡…..咁即係我就當你班客下午四點走呀….
間鋪都仲有兩個鐘頭就開番….咁收尾個兩位侍應係返pm2300 o既…
咁你估…..人地仲會唔會返屋企丫拿…仲要住到元朗咁遠啵…  =0=”
我返哩到唔係返得好耐…都係一個星期多D到…但係已經有日返到去…
已經見到佢地眠左o係房入面…而D房唔係更衣室個D黎啵…
係人客入黎玩個D房黎啵。跟住我問番佢地點解會o係公司眠…之後就答番話…
D客好撚遲先走…咁計計埋埋搭車o既時間…咁倒不如留o係公司眠多陣好過..仲冇咁辛苦添…
所以話…依家有OT$80俾番都係咁話….我寧願要番D時間黎陪老婆好過。
咁同埋我入黎個時…講好話八點就可以走架嘛…依家我八點先走去換衫….算係咁啦…
換轉係衰D個D仆街….早15分鐘就去換定衫出黎岩岩八點打卡就即走啦。
o係返緊工個時….不停係咁流鼻水….唔知係咪真係就黎病喇又…又喉嚨痛…頭痛…超辛苦。><”

Remark：唔知哩個星期日可唔可以同老婆一齊去睇老婆想睇個套戲呢….!? (犀照(49 Days) )
我好想好想個日同以後可以同老婆一齊做每一樣野。

am0400…..
將日記打到25號晚個時…終於頂唔順o係廳眠著左嚕…..
一眠就眠到pm1528起身個時….發現老婆o係am0720打過黎…
之後我即刻打番去….老婆好快就聽左電話….但係就仲眠緊….
So….同老婆講….你都係起身先打番俾我丫….
依家pm1611….已經唔想再郁喇….只係聽住…
“凱莉克萊森 Kelly Clarkson - Because of you (因為你的緣故) “  (Click me )
(而哩首係同做緊Xanga o既背景個首係唔同旋律的。)

Lyrics：
Kelly Clarkson - Because Of You Lyrics

I will not make the same mistakes that you did
I will not let myself
Cause my heart so much misery
I will not break the way you did,
You fell so hard
I ve learned the hard way
To never let it get that far

Because of you
I never stray too far from the sidewalk
Because of you
I learned to play on the safe side so I don t get hurt
Because of you
I find it hard to trust not only me, but everyone around me
Because of you
I am afraid

I lose my way
And it s not too long before you point it out
I cannot cry
Because you know that s weakness in your eyes
I m forced to fake
A smile, a laugh everyday of my life
My heart can t possibly break
When it wasn t even whole to start with

Because of you
I never stray too far from the sidewalk
Because of you
I learned to play on the safe side so I don t get hurt
Because of you
I find it hard to trust not only me, but everyone around me
Because of you
I am afraid

I watched you die
I heard you cry every night in your sleep
I was so young
You should have known better than to lean on me
You never thought of anyone else
You just saw your pain
And now I cry in the middle of the night
For the same damn thing

Because of you
I never stray too far from the sidewalk
Because of you
I learned to play on the safe side so I don t get hurt
Because of you
I try my hardest just to forget everything
Because of you
I don t know how to let anyone else in
Because of you
I m ashamed of my life because it s empty
Because of you
I am afraid


最近哩個禮拜o既日記….o係打出黎o既時候…都係只聽住哩首歌…
o係一邊聽住哩首歌個時…就會諗起同老婆一齊o既每一個畫面….都令我情緒起伏不定….
亦都唔豬點解聽住哩首歌..除左會諗到好野好多野出黎….
就連同老婆發生過o既每個細節….都會由平時一般漏左冇為意o既…都億起番晒出黎…..
其實老婆對我….又一或者我對老婆都唔同左….而唔同左o既地方就係….
大家其實有好多時都已經遷就對方….仲有時因為對方而改變了不小添。
或者可能o係過程中大家都冇為意….
所以就會o係鬧交之中拎番出黎講…話大家改都冇改過…
而其實o係靜思過後….其實發覺比以前好好多了……

(傻豬….乖喇….唔好再哭喇….哭完之後隻眼仔腫左唔靚架….啜)

pm1739老婆豬起左身上左網….於是就同老婆O係msn傾左陣…
傾番老婆豬今朝打俾我咩事…..原來傻豬係唔見左mark底左o既返工地址張紙….
(我諗係想問我記唔記得放左o係邊掛….)
跟住老婆就話不過依家搵番喇咁樣。
之後老婆好關心我….問我做咩唔眠多陣….我就話…因為老婆都起左身…
所以想o係老婆起左身o既時候….即使隔住部電腦…都只想伴住老婆身邊…
之後老婆就只係嗯左聲。跟住就俾左佢番工地址我幫佢搵點樣行過去….
搵完Sd左俾老婆之後我就繼續食晚飯…(終於都有野落肚喇…^^”)
邊食飯途中亦都同老婆再傾多陣之後老婆就出門喇…
我過多陣都食完嚕…因為真係冇胃口…只係食左好小野就唔想食喇….
食完之後就去洗白白都Ready到我出門口返工丫….
洗完白白出黎..發現老婆打過黎Miss左…
之後打番去..老婆就岩岩出左地鐵行緊上地面….
到上到地面之後老婆就問點行….而我亦都教完佢點行之後….老婆話唔傾喇…
邊行邊傾會斷氣架…咁我個時都明白o既..老婆拎住袋野….而時間又已經遲到嚕…
咁所以我都冇再追住黎傾唔放咁….就咁收線希望老婆小心地咁樣行到番公司…
而結果…o係收線之後….老婆一直都冇打過電話話黎…我個時好擔心老婆唔豬有冇事…..
而我就一直好心急等老婆個電話…仲o係到諗…唔知老婆搵唔搵到..到左未呢？
結果我同自己講….唔好諗咁多丫…老婆咁叻叻冇事o既….
所以我到最後都冇打番俾老婆問到左未同埋搵唔搵到個D…..
(因為係驚打俾老婆個時又發脾氣…所以只好叫自己唔好想太多……)
pm2050出門口返工…行到出去等車…pm2103就有車黎喇…..
今晚….上車之後冇耐就眠著左嚕….因為真係好累….唉…人老機械壞…
之前唔眠幾晚…照番工都冇事…依家真係扯白旗喇要….
眠著左之後….最過份o既就係…竟然眠到去總站囉….搞到要個巴士司機叫先起身…
好彩今日因為落雨關係驚塞車早左出門口ja….
如果唔係咪又趕又可能搞到遲到囉…. =0=”
落車之後pm2145…估唔到眠過龍都仲係咁早….  -0-”
之後局住行番轉頭丫….行到一半又落大雨….搞到濕晒……~”~
(唔豬點解…好似次次都係咁 …自己個心情底落o既時候…個天總係落雨啵….有冇咁岩!?)
番到公司pm2205….仲有半個鐘左右可以抖下…..
坐左o係出面梳化一陣…阿Fly巡禮有心…突然問我點呀…..好番D未等等之類o既野。
之後就開始傾喇….亦都傾左好多野…不過….傾緊個時…個種感覺….都係好怪。
傾左陣停左落黎o既時候….就俾個經理定乜Q o既人Alan叫我過去玩陣….
之後我話唔玩咯…一陣返工飲醉左唔好丫….
但係轉個頭….都係俾第二個拉左埋台客到住黎玩….
哩台客其實之前都見過好幾次架喇….第一次見個時….
有個拳手Kammy仲同班客講我係純正日本人丫….   -0-”
到今日…另一個拳手Cat又大大聲咁講…人地日本人黎架….
搞到後尾俾個客問…”你聽唔聽得明佢地講咩架？”  跟住我話聽得明架…  -0-”
(如果有日班客叫我講幾句日文…咁就死喇…..  ~”~)
一坐埋去o既時候….話唔洗飲…飲都係飲檸檬茶…因為o係我返工之前…
好自然咁走左入七仔搵野…o係到搵檸檬茶….仲要買左兩包添….=0=”
一直以黎…我都極少飲檸檬茶….特別o係維他個隻….
因為以前飲完之後我一定唔舒服同埋會咳….所以就轉飲左奶…..
但係哩刻我又唔豬點解會買左….可能係習慣左丫….真係唔豬….
哩兩日不論返工定係放工…都總係買包檸檬茶飲住走…真奇怪…….
但係到最後….話唔得咁啵…個個飲酒你飲檸檬茶….要整番杯先得啵….
結果….真係倒左杯出黎俾我…..接住…好彩時間差唔多夠喇….pm2245…
最後一鋪…..嘿….途左轉左酒之後…都係輸左鋪….飲左一啖ja今次…呵呵….
之後成杯俾我拎去倒嚕…..嘿….浪費左…
(其實今晚有咁O既機會飲酒…真係好想大啖大啖飲…劈底自己…寧願返唔到工….
不過咁小時間…邊有可能丫….上次飲左七杯就搞到頭痛左成晚….
所以今次都係算吧啦～)
換衫番工之後….一直都冇打俾老婆….老婆亦都冇打過黎….
而成晚做野….好似都差d差d咁….做完哩樣野之後…
好耐轉個頭做埋第樣野先跟番第一樣野O既手尾…..
就連最簡單O既野…都明顯睇得出自己係慢左….頓左…要人地出聲先識郁….冇晒衝勁。

25號am0150
我終於有時間可以Sd番個SMS俾老婆話…
“你就不知不覺收工,我就依家先得閒咋…嗚“
Sd完冇耐再過多陣…真係有時間俾我抖一抖丫…
咁所以就打左個電話俾老婆豬…同老婆傾左陣…
點知傾傾下….老婆同我講話….阿冀同阿雪鬧交丫….
所以一陣會陪雪雪上348….跟住我就講….
你好似計埋今次連續落左去三晚咯啵….跟住老婆都話係呀….
接住我都冇講D乜野…只好叫佢小心D丫…
真係好忙o既關係…o係老婆豬過左黎我到放底個袋Keep Bag時…
我都好快手咁o係門口接左老婆啜左淡就即刻同老婆講聲….
“一陣去到自己小心D喔…唔好High咁大…& Sorry呀…真係唔傾呀…好忙喔…要入番去丫”
啜完之後….就連想陪埋老婆豬等Lift o既時間都冇…
就只剩番老婆豬一個o係出面等Lift….而o係我臨關門個下….
見到老婆個樣扁晒嘴仔咁….Sorry呀…哩晚真係好忙….
可能你會覺得o係Lift口同你講個番說話時…
用o既語氣會俾你好似以為係因為你落348而搞到我黑面沈聲唔鐘意咁o既語氣…
但係其實真真真真真真心個句丫…真係唔係咁架….係因為忙o既關係咋只係。
所以千期唔好諗左隔離呀老婆 ^^   錫晒你喔….啜啜啜…

傻豬…我知道架。所以哩幾次你連續話落去…我都俾你落去…
就連哩次連續第三次俾你落去時我都冇黑面或唔鐘意而引起爭執o既埸面…..
兩個人相愛…就要互相遷就&體諒…而實行之時亦留意切勿過火就可以丫。
老公唔係唔俾老婆你落…只係唔想你連續幾日咁落去咋…
就好似話一星期七日…你唔得咁中間個三日或頭尾個三日連續落去先得架…
至少都要俾自己抖番晚…即係隔晚咁先落去嘛….
同埋o既就係唔可以一話有朋友唔開心就話要落去陪佢架嘛….
同埋其實落去都唔係問題喔….而問題係…陪佢得…冇問題…
但係自己就真係控制自己就住黎High喔…
如果一個接一個連續都話唔開心要落去o既…咁你係咪真係續個連續落晒去？
人地就一個一個咁輪住黎…而你就一個人自己直踩到尾….要好好愛惜自己先得架嘛….
如果連自己都唔識愛惜及愛護自己o既…咁仲點樣去愛惜及愛護別人呢？
(不過老公都好似唔係點識得點愛惜及愛護自己…只懂得套用晒落別人身上…
所以….如果我地第日真係可以行埋一齊到老時…而老公又行先一步的話…
咁老婆你一定要唔好再留o係我身邊喇….把握時間…珍惜自己愛錫自己…
搵過個比我好的人跟他一起過著之後o既一段路…咁我就安心嚕。)

我明白到每個人都有唔同o既方法去舒緩自己o既情緒….哩點係旁人都無法控制…
而旁人只能夠做到o既係提點….去提點一件事到最後o既真相係點…即係要諗得遠小小。所謂旁觀者清丫嘛…朋友搵得你o既…梗係想你幫佢架啦…..
(但亦因為每當放縱過後…事情都一樣係要面對的。所以要衡量番及要以咩方式去處理喔)
而o係哩方面…你絕對係唔弱架….因為老公係覺得同埋知道你係一定做得到架…
o係有時…亦都見識過…同埋又或者有時應該要用o既地方遺忘左加插入去ja….^^

am0820…
過到去348接老婆豬時打俾老婆話俾佢知我到左喇….
之後老婆話爆燈先走…哩次我話Okay…沒問題喔。
但係估唔到老婆轉頭好快咁就同Ruby落左丫….之反我地過左隔黎街食野…
邊食邊等….埋KK同雪雪落黎再食野….食完野之後就搭車番老婆屋企喇….上到去….
老婆好快咁就閃左入房趴o係樹眠豬丫…
而我就只係伏左o係床邊睇住老婆豬眠左我先走番去自己屋企。
但係老婆豬就捉住我隻手仔同叫我訓上去同佢一齊覺覺豬….
我話唔訓上黎喇….訓左一陣又唔覺意眠左咁就死喇…
之但係老婆豬此時又扭計豬丫….所以最終都係訓左上去架….
結果到最尾…好似快過老婆豬眠著左定係一齊同時眠著左…真係唔豬喇～
眠醒起身pm1910左右…老婆豬換衫時同我講…
話星期日26號朝早我收工唔同我一齊番入大埔嚕….
跟住我問點解喔？老婆就話約左KK一齊行街丫嘛…你唔記得拿？
之後我話咁一齊去丫….老婆又話…約好左七個女仔咯啵….
之後我即刻著左….換衫著鞋走人出門之際…..老婆問我…即係依家點呀我地?
跟住我話….冇呀…我只係想你俾番個星期日我ja…約會又係我約先過KK o既….
你亦都答應左話好o既…..但係依家就咁樣。
老婆豬唔出聲我接住又繼續講落去…”老婆…你有冇發覺…我地哩個禮拜冇咁D野呀…!?
我地o既節目就好似只係得一齊起身….一齊食飯….返工….收工…一齊訓覺咁咋….!!!”
跟住老婆就好大聲咁講….”咁番工係咁架啦～”
之後我就話…”你同我一齊番工就係咁樣….
而同時你同我一齊返工收左工之後段時間就陪朋友落348….
咁我呢？我都想o係我收工時你都仲可以陪我一齊做任何野多陣先…
最多遲小小先眠呀…之但係…我知道咁樣做你會好辛苦….
而我就係唔想你咁辛苦!!!!所以先冇咁做。”
老婆豬即時回應話….”落348係你俾我落架!!!”
我就話…”冇錯…係我俾你落丫…之但係我唔係怪哩樣呀…唔係唔俾你落…
而係點解連唯一一個禮拜日都唔可以俾我同你一齊有番D活動咁ja….
唔好話係一D大型活動丫…就最簡單丫…行下街&打下機咁先丫….”
哩個時候…老婆已經一早就一邊講野一邊哭緊架喇…..
到哩刻….我同佢講晒o既野….老婆都依家係咁叫我走呀…唔想岡到我仲掟晒野…
最後再問多聲點解唔答我之後…
老婆就答左句…”係呀 ! 我係重友輕色呀!!!)”
之後老婆就繼續掟野、大哭…哩個時候KK起身入房關門同老婆傾左幾句…
但唔豬講咩…同時我亦只聽到老婆大哭….而o係KK出番黎個時就都已經叫我走先….
結果拎左老婆條鎖匙先落樓o係樓下等老婆….老婆落到黎個時都只係跟住尾…
到地鐵站個時…老婆先問我係咪拎左佢條鎖匙…我並冇回應….
上車之後…老婆一直唔出聲…之後再問多次…我話係呀…
老婆就叫我俾番佢…因為佢仲講左句就係話冇鎖匙唔番屋企架喇…
於是…我就將自己條屋企鎖匙俾佢…仲同老婆講話…
冇屋企返就返住我屋企到先丫….但係佢唔要…又繼續唔出聲坐o係到…
落車之後…老婆話唔要喇…拎飽佢…仲話打俾KK換鎖添….
到俾番老婆個時…亦都打左俾KK話換鎖o既個刻….
o係一路上…老婆好大聲咁講野叫走丫..要返工呀…唔好跟住佢…
跟住….我話…都冇跟住你…只不過都係行哩邊番工渣嘛我….
繼續係咁一路行一路大聲吵….直到老婆入到佢返工個到….就停左喇…
o係老婆入去換衫之際我就過左隔黎七仔幫老婆買兩包檸檬茶…
因為老婆番親哩到兩包先夠架….o係我買完出黎個時….
唔豬係咪出面果兩個侍應好心過頭…先行出黎同我講話佢換緊衫啵…
跟住我話知道丫…..唔該。接住佢地就行晒去老婆換衫個位置隔離….
因為入面聲音太大關係…而我企o係門口又真係聽唔到唔豬係咪不停吹老婆婆出黎&講野呢….而我Feel到係咁囉…因為真係比上次耐左。
上次都有送老婆番工…但之後我買完番過黎搵老婆就好快換好出黎…而今次就真係耐左。
o係我繼續等之下…老婆Sd左個SMS黎話
“如果你想我地仲有灣轉就走…如果唔係你以後就搵唔到我。”
我就Sd番過去….”咁你至少都要出黎拎番兩包檸檬茶架嘛。”
Sd完之後…老婆…就出左黎喇….俾完佢之後就真係走喇我都…..
O係我差唔多行到返公司樓下個時….醒起老婆未食野啵…
於是就跑過去買老婆鐘意食o既孖芝….買完之後…
我仲問人借左支筆寫左D字o係上面….而寫著o既就係話….
“To：老婆…趁依家有時間就快D食左先喇….如果唔係一陣餓暈咁點算喔?!
老公會好擔心架…..I Love You。Fm：老公”
之後就即刻跑番過去搵老婆….但係去到門口…見唔到佢…
就連兩個侍應都唔係廳到….之後我就冇再望入去喇….
就一直企o係門口邊等佢出黎…過左陣冇耐…..老婆同事過左黎拎D野俾佢…
之後拎完佢同老婆一齊出番黎….老婆見到我…就問我點喔？我就即時話…
“唔好嬲住…唔好發脾氣住…只係想拎野俾你食咋…拎完俾你我就真係走架喇…”
俾完之後….因為真係冇心情再四圍行黎行去仲要食住冷風等夠鐘返工時間喇…
所以就pm2115返公司坐o係廳出面….返到去見到阿Fly睇睇錶再問我知唔知返幾點….
我話….pm2300丫…之後講左兩句…問我駛唔駛眠陣先…我話唔駛丫..冇心情呀…
又問多樣野咩事….答完之後…就冇出聲喔….我自己就坐左o係梳化到靜過….
岩岩個時有一台客唔豬(裸)景定乜野…點埋D傷感歌&情歌…
結果………………………………………………………………………………………
邊坐o係到邊睇邊聽住o既同時…發現到有首歌….就係 “光良 - 都是你”
感覺唔錯…..好合意….而歌詞就係…..(特別係..”我的日記…寫滿的都是你的名” 哩句)
同時個刻亦都令情緒再次起伏不定。

曲/詞/唱︰光良 - 都是你  (Click me )


誰 改變了我的世界
沒有方向 沒有日夜
我看著天 這一刻在想你
是否會對我一樣思念

你 曾說我們有一個夢
等到那天 我們來實現
我望著天 在心中默默唸
下一秒 你出現在眼前

想念的心 裝滿的都是你
我的鋼琴 彈奏的都是你
我的日記 寫滿的都是你的名
才發現 又另一個黎明

你 曾說我們有一個夢
等到那天 我們來實現
我望著天 在心中默默唸
下一秒 你出現在眼前

想念的心 裝滿的都是你
我的鋼琴 彈奏的都是你
我的日記 寫滿的都是你的名
才發現 又另一個黎明

我的日記 寫滿的都是你的名
才發現 又是一個黎明
這是我 對你愛的累積

>
pm2230換衫開工….o係換衫前去Toilet洗個面醒一醒先….
出番黎….阿Fly話同我傾下發生左咩事…我冇出聲….只係o係到忍。
o係哩個時間…又o係冇客…..所以就不停係咁自己搵野做….
阿Fly同佢女友o係到傾緊電話仲傾左好耐添…..
見到我做哩樣做個樣時…佢都同埋佢女友講唔敢o係哩個時候….
同我搶野做….而後尾…我不停o係到轉黎轉去做野….搞到阿Fly鼠左去後面傾添…
過多陣冇耐…接落黎o既時間…都開始多人喇….爆埸….又忙到嘔丫…。

到26號am0200打左個電話俾老婆問佢收工未…老婆話未喔….咁只好收工先再打俾我喔…
原來個時…老婆條數都唔夠…所以就再留多左先走…
最尾…老婆仲辛苦到做到差唔多成am0400先Sd個SMS黎話收工….
之後我問老婆一陣點….老婆話眠醒起身先算….
忙完一輪之後….am0800收工….打俾老婆….老婆眠左聽唔到響…
於是我都回家去嚕….返到屋企樓下個時….見到Daddy同媽咪….
媽咪問我…咦…做乜一個人返黎o既….佢呢?
跟住我話…

23號am0830
辛勞o既一日工作又結束….收左工之後….就過左348接老婆豬…
琴晚聽老婆豬講好似係因為有人唔開心定唔豬咩事而又上左348嚕～
所以收左工之後就過去睇老婆豬….
同埋最擔心o既就係驚老婆豬又大過龍唔豬自己去左邊咋….所以就決左去搵老婆先喇～
去到接老婆豬個時…老婆豬又發左陣脾氣喇…過我做咩好過黎…
又話我係咪突擊檢查佢落黎個時有冇拖住第條仔咁樣。
但係我完全都真係冇諗過哩D丫。我只係驚傻豬大過龍渣嘛…
都唔係唔信老婆…..同埋就係琴晚都同老婆講過話會過黎o既  =0=+
跟住我就邊行邊哄番老婆豬….哄到買完檸檬茶…落埋機鋪打機個刻都仲哄緊老婆….
只有老婆一個人o係樹打機…而我就一直望住老婆&o係佢身邊不停賠罪。
(不過乜真係…………..!?)
到中途就開始冇咩事喇….而再打左陣機….
KK就o係348玩到爆燈之後就過埋黎(即係am0900)….之後就去左麥記買野食….
o係去之前….老婆問我食咩….跟住我話唔洗嚕….一陣返我自己屋企先食….
跟住老婆豬就話反正都話左黎嚕….不如上去佢到…
於是…落到麥記只有KK買左野食…而我就同老婆豬傾掂數…
就返去佢屋企先食….食老婆親手煮o既麵麵….同埋就係可以見多老婆多幾面…
嘻嘻～返到去之後….真係可以食到老婆豬煮o既麵麵丫….相當好味….
仲一人一淡添….老婆豬到最後仲差唔多食左我成個麵麵添…..好開心…好幸福。
個刻o既感覺….真係唔可以單單只靠二字 “幸福” 黎形容….
只能夠o係個人內心感受到o既一種感覺。^^
食完個麵麵之後…我地就一齊睇電視….
睇多陣….就不奇自然地兩個攬住左眠左o係梳化到…
眠到pm1600起左身…本應諗住入房繼續覺覺豬….但係又唔記得左講開咩嚕～
老婆話要食麥當當…..於是佢就o係房到眠多陣先…
而我就落去買麥當當丫….買完番上黎..發覺小左兩個我同老婆豬都鐘意食o既孖芝….
於是搞到我又要行多轉喇….真係紋紋地….我發覺好多次去親買外賣….都小哩樣小個樣啵…
係咪有心玩野架…汁醬又冇俾喎….真係唔紋唔得丫…
食完之後…我同老婆豬又攬埋左一舊o係梳化到睇電視….^^
睇睇下又眠著左….最後俾KKo係佢出門前踢醒左我地….
仲叫我地唔好再眠添…唔係一陣又遲到返工喔….
之後KK走左….老婆豬就繼續眠丫…
而我就繼續俾老婆豬躺住o係我大脾上面覺豬….即係好似今朝咁。
眠到pm1900….Alarm響….要起身嚕….但後尾老婆話俾佢眠多一分鐘先叫佢…
於是後尾我睇住個支秒針轉左兩個圈…即係兩分鐘…我先叫佢起身….
但係老婆豬又話俾佢眠多陣丫….眠到pm1915…
好喇…到pm1915老婆終於肯起身喇…
但係就最終都賴到差唔多pm1930先起身去洗白沖涼換衫化裝出門返工。
真係隻大懶豬黎架….嘻嘻~~^^
哩幾次我每次叫老婆豬起身o既時候…都冇發脾氣…之前仲試過一叫起身就起添….^^ 好開心。
而岩岩哩幾次叫佢…老婆豬每叫佢一次起身…
都輕輕咁轉轉個頭仔…檸埋黎我個肚仔到再掃幾下先再停落黎眠…
相當得意丫～好似BB咁….勁可愛  ^^  仲好甜添…
搞到我都忍唔住開心到由心入面將微笑表露左出黎….
到起身個時…老婆豬仲點支煙食添…之後仲擺左個好誘人o既姿勢…
結果o係咁緊迫o既時候…都仲要……………….添 ^^”
不過我地大家都真係好似好耐冇…………………………………………………….過喇～
大約時間pm2010左右….老婆豬搞掂晒D野出門口喇….
老婆豬出門口之後….仲打番電話黎提我一陣出門口時小心D添…
因為人地岩岩又搬多左D野上黎阻住左。老婆豬細心程度上升中啦～^^ 嘿。
o係返緊工o既老婆豬又再一次打電話黎…問我一陣會唔會過去搵佢…
我話當然會啦…本應要幫老婆買煙同埋買佢至愛o既檸檬茶…
但係後尾唔記得點解唔駛…好似係趕得切自己買喔….
之不過就算唔駛買野俾老婆都一定會過一過去搵老婆講聲我番工喇見多面咁先走….^^
o係我答完會之後….老婆豬就問我可唔可以同佢拎樣化裝品俾佢…
因為佢話硬係好似唔夠同埋搞到好唔精神咁….嘻嘻~老婆豬真係貪靚靚喔….
老婆開到聲點敢話唔得喎….^^o係pm2145著鞋出門口…
拎到去老婆做野個到時..俾完佢之後再錫錫就走嚕我….
今日返到去得一(木台)客…..之後冇耐都走埋添…..

24號am0150…Sd左個信息俾老婆….話佢知成個埸都冇晒客….
同埋成班同事連老闆都o係到吹水玩緊….=.=+ O 左囉。
跟住再問老婆一陣上唔上黎坐陣….因為阿Fly女朋友都上左黎。
過左陣…老婆豬打黎問我食乜野….之後就買左野食野飲上黎..感覺好溫暖丫…^^
上左黎坐陣….我、老婆、阿Fly、阿Fly女友同埋一個侍應o係到吹水….
中間仲講左D野而令我講左句說話就係….”能夠死o係老婆手上..我死而無憾丫”
跟住死佬阿Fly即刻掃下隻手話毛管都橦起埋丫…..真係衰喔…嘻嘻~^^
接住老婆豬就整左個好得意o既表情出黎…好鬼可愛….^3^  啜~
傾左陣…我就同老婆傾番我地o既野…就話KK唔開心要去348…
之後老婆豬仲話都唔豬去唔去好…因為真係都有點累的感覺浸出左黎…..
不過今次我冇講D乜野….只係一開口就叫佢去丫…去睇住家姐咁樣。
同埋就係最緊要o既係叫佢唔好High咁大….
不過老婆豬就同我講都冇諗過High野…就算High都會係好小…因為要睇住人嘛…
聽到咁講之後….都開心左好多…因為俾到我有種安全感。 ^^
即使到最後都真係可能會有High左小小又或者係High到好大….
不過至少感覺俾我覺得….老婆豬能夠坦白對我。我已經好開心喔。
坦白…哩一點亦都係兩人相處時最重要o既一環。
傾完之後…..我就送左老婆豬落樓下搭車先….
點知一落到樓下就俾老婆豬抽水….之後我地仲o係樓下溫馨左陣添…
同埋今次公司樓下個位置比較大&空曠冇乜人行….
所以就攬住左老婆豬黎轉圈….仲轉到老婆腳都離地停在半空黎轉咁濟添….^^
而到最後我地仲轉到真係有D暈暈地….不過就真係好開….極開….超開。
溫馨完之後….老婆走喇…我亦都要返上去做野….
走之前仲講好左我收工過去接佢送完佢番屋企眠左我先走。
am0815收工之後就過左去348接老婆豬…..去到樓下打俾佢話俾老婆知我到左喇…
跟住老婆就同我講話爆燈先走…接住我就好鬼馬同埋好柔聲咁講….
Er…忍心就等老公豬一個o係樓下等啦….咁凍凍咁樣。
再問多聲之下…老婆豬亦都係答爆燈先走…跟住我就話Ok喔 ^^
個刻聽到最尾老婆講野o既語氣個時都冇野架….所以我真係以為佢爆燈先走架…
其實爆燈先走都冇問題架真係….因為都差幾個字渣嘛…
但係估唔到老婆豬轉頭就真係落左黎丫…仲有小小嬲嬲地添…
跟住我問…咦…傻豬做乜咁快落左黎o既…!? 之後老婆講番我句說話…
我再講話…傻豬黎架…講笑渣嘛…我頭先係輕聲咁講…又唔係沈聲耶….
結果哩次邊行邊走時好快冇事…但係就漏左拎袋要番轉頭拎丫…..
拎完之後就過左去打機…等埋KK玩完先走….
見到老婆豬個時好似大大地咁….同佢落左機鋪之後話想飲野…但係水機冇八達通丫…
所以就同老婆講話轉頭買俾佢….o係玩左鋪機之後…老婆話自己一個o係樹冇事喔…
之後我就剩底老婆o係機鋪…自己去買檸檬茶番黎嚕….買完番黎…
老婆仲話我…嘩…乜咁快o既….!?  我冇出聲只係微笑….^^  同埋心諗…老婆想飲啵…
梗係要快D丫..影響健康咁點算?!  同埋又自己一個人o係機鋪呢….
。

接住哩朝早發生o既野….都真係記唔起…..個腦好亂….
打唔番晒出黎…..野就諗到做過D乜野…但係就真係唔豬邊日打邊日喇…
D時差搞到自己好亂…..可能因為仲未習慣夜間上班o既時間關係而影響….

pm1800同老婆一齊起左身….之後就送老婆豬出門口….
接住我就o係老婆屋企睇多陣電視先同埋再差唔多時間出去返工….
返到公司冇耐…個幾兩個鐘頭左右…老婆Sd左個SMS黎就話…
“唔驚唔覺…..我又就收工喇。你果邊又點丫?”
我睇完個SMS之後都冇時間覆….因為今晚實在真係太忙喇…爆晒埸。

22號am0900收工…放左工之後就去左老婆豬屋企睇佢….
因為佢琴晚收工個時同客飲貓左….後尾過黎俾左我鎖匙之後先返屋企…
今日上到去我幫佢執好D野o既時候…老婆豬岩岩起左陣身….
所以就叫埋佢一齊入房眠喇….
眠醒起物叫佢報完數之後又再眠過….
最後我o係晚上八點幾就起左身喇….
老婆豬哩個時候就都差唔多搞好晒D野出門口返工喇….
唔豬點解…哩排我同老婆豬都好靜….好似冇晒開心o既畫面咁….就連吵架亦都冇….
之後聽見佢話日記停版之後….
本應o係我心入面諗佢哩幾日都應該可能會發生左好多野o既感覺就變為更強烈….
好唔開心…好擔心老婆豬會同我再一次講分手….
我今日最尾認唔住同老婆講左句我從未同任何人講過o既野…
就係話…我好似感覺到已經搵到我o既最後一個喇….就係你喇…”脆皮”老婆….
講完之後….

送完o係老婆豬去搭地鐵之後…..自己就去左買飯食….
食飯個時…..忍唔住流左陣水出黎…..個腦不停o係到諗….
仲好想一句問下KK….脆皮哩排都應該發生左好多事係咪喔？!
但係最終都係冇問題到。因為我見到老婆豬個樣個時…..
覺得o係我哩幾日返工發生同做過o既事都對我有所隱瞞咁….
(因為有一日我打電話俾老婆豬o既時候…佢冇聽兩次…我本以為佢眠左就算丫..
點知佢打番黎話真係眠緊….但係我o係個時聽到佢個邊環境都好似好嘈咁…
不過到最尾….er….算喇～個刻心情有點…..。又或者係自己敏感丫)

好Hurt…..好Down….乜唔係兩個人一齊係要坦白o既咩？

Remark：我諗我今日返到公司個時…要改變一D琴日決定左o既野喇….
唔想有咁大責任o係身….困住自己而搞到冇晒對老婆豬o既時間…..

後記：
今晚最終o係返工搭緊地鐵個時….打左個電話問左KK到底係點o既一回事…
o係當時o既對話當中…我好似Feel到自己有危險….唔係驚佢出面有D咩事發生…
而o係驚將會有一件事發生o係我身上。
傾完之後都落車嚕….去左拎番D野俾老婆豬之後就走喇….
因為今晚老婆豬個邊有人黎Check埸….所以連我地每次臨走前o既錫錫都冇就走左嚕….
而o係去到見到老婆豬個時….老婆豬問我做咩事對眼紅晒….
跟住我話其實都只係D頭髮吉到眼ja….
因為有睇埸o係到o既關係….所以都真係唔留咁耐喇…無謂令老婆豬難做丫…
所完講完之後…就走去返工喇我…..
o係返緊工個時…老婆豬Sd左個SMS黎問我咩樹….叫我唔好亂諗野….
知我好擔心佢….同埋話俾我知….佢咁大個人都知道自己做緊咩….仲叫我放心添….
睇完之後…..好感動…..情緒有點不受控制之餘…但又覺得有點開心似的…..
(應該係哩種心情丫…我真係自己都唔清楚。)

咁所以就O係19號am0830左右啦…收左工之後就去左老婆豬屋企喇…
嘿…今次老婆豬好叻叻咁冇覺豬左…仲等到我黎添…
本應仲驚老婆覺豬左…所以就我返工之前去左搵老婆豬拎屋企鎖匙先嚕….
但係到最後本應可以唔洗用架…之但係衰豬玩野丫…去到打俾佢叫佢開門…
但係就俾佢話番我轉頭丫…話有鎖匙做咩唔自己開….>”<  嗚嗚….5555555
之後上到去老婆豬仲賴皮左陣…而我就灘左o係梳化…
最尾仲差D搞到我眠著左個時佢先肯著好鞋黎叫我我囉….正曳豬黎架…Heehe….^^
之後落左街俾老婆豬的左去打機機添丫～
衰豬好似仲勁精神咁囉…..嘿嘿…仲話一陣唔俾我覺豬添…
之但係o係我地打完機之後再同埋佢去諗住買野俾佢Daddy做生日禮物…
因為到依家都未買到咩黎俾佢Daddy…而亦都睇左陣之後….
最終老婆都係選唔岩黎買俾佢Daddy架…
之後我地o係上小巴番大埔個時…老婆豬就好快咁覺豬左陣啦…呵呵呵呵….
落車仲第一時間同我講話…可唔可以唔沖涼就咁眠喔….
咁我當然話可以啦…因為都知老婆豬等埋我收工都好辛苦好累架喇….
但係個時o係我個心入面個隻魔鬼就好似係想話…梗係唔得啦….一定要洗埋白白先….哈哈…
不過好彩我憑著天使般咁好黎對待老婆豬…所以就俾佢唔洗白去覺豬啦～嘿
之後我自己亦都洗白白去同老婆豬一齊覺豬啦…
晚上約九點到就起身喇….搞掂D野九點半到出門口…
先去老婆o既媽咪間鋪頭到諗住搵佢媽咪&Daddy….但係去到就發現休息丫今日係。
之後我地就過左太和…上去佢媽咪Daddy屋企搵佢老婆豬細佬訓話喇…
因為老婆豬個細佬曳曳….所以就…..
訓話完左之後我地就去搭車返出旺角本身諗住食野先去打機機o既…
但係頭先老婆豬買左D野食..食左DD就搞到唔覺肚餓啦….
所以就提前左落車去左打機機喇又….嘿嘿…今次我地好叻叻丫….
玩兩款遊戲都可以簽晒名啦終於。老婆豬勁開心…..^0^
玩完之後就返左深水步屋企…..又再睇下電視咁..後尾結果都係有D肚仔餓架…
最終亦都煮左個麵麵食….但係衰豬老婆又唔食囉  =___=”
食完之老婆豬o係梳化睇睇下眠著左….而我就o係側邊坐底o係地下攬坐老婆亦都眠著左丫….
直到天光Gary起身走左冇耐…我就入左房覺豬喇…亦都試過叫老婆豬入去覺豬…
但係都係發皮氣唔肯架….(唔豬幾時先可以唔咁樣呢…嘿^^”)
其實我都可以唔入房覺豬都得o既…可以拎張(被)黎 “嬲” 住自己再攬番老婆豬眠…
之但係因為屋企多左隻狗仔關係…唔知有冇四圍走整污濁地下…
So先冇拎張(被)黎用而先入房覺豬咋….而o係我入房冇耐之後…老婆豬亦都好快咁自己入左黎仲擇住我黎眠豬添…嘻嘻~~~老婆豬幾時變得咁百厭架…曳曳呀～
入到訓…我地又攬埋一齊覺豬啦….但係就冇曳曳喇…Heehe…^^v
好乖好乖咁眠豬….

眠到20號pm0600左右….起身老婆豬就玩左陣電腦….
o係老婆豬玩緊電腦個時…我開埋叫老婆一陣快D洗左白白先再玩…
到個爐得個時再叫老婆豬洗白白時…老婆豬又發脾氣喇…
話依家仲咁早…駛乜咁趕呀…..之後我就冇出聲…
冇耐老婆豬走黎同我講對唔住…同埋問我肚唔肚餓豬….
我話有D丫…之後就同老婆落去買野食喇…但係落去之前就同佢講….
一陣買完野食番黎就好快D洗左白白先…
跟住我地真係買完番黎個時..老婆豬好快咁邊o係房行出黎邊脫褲子入去洗白丫…  =.=+
(暈嚕～嘻嘻~^^”)
o係老婆豬洗白個時我就睇住電視黎等老婆豬沖完出黎一齊先食….
o係哩個時候…佢家姐KK又返黎嚕…仲去左我地頭先買野個間四多左盒(送)番黎添…
老婆出黎見到我地都講話好彩頭先冇買咋…如果唔係就多左喇～
食完之後就俾KK叫左幫手去露台掃狗屎丫….   =0=”
好彩我叻叻..食飯個時o係出面點定香薰黎沖淡D味ja…..
如果唔係食完飯再對住個D野我一定嘔番出黎呀   =口=”
整完之後七點九個字….老婆每逢星期一都要八點返到公司….
之但係….今日最終都係遲左小小架  -0-”
錫啖完老婆豬就自己出門先喇…我同KK就隨後都拎埋D衫出去洗…
拎完去之後…..就去左超市買野食…買完打番俾老婆豬…就話岩岩先返到去冇耐…
買埋野….番去老婆豬屋企睇埋套戲叫做 “屍氣逼人” 先出門返工…
今日仲差兩分鐘就搞到遲到添….  =.=”
換完衫出黎….又繼續做野嚕…..做到咁上下…老婆豬就點半收工打電話黎丫…
話同客飲多陣就回家眠豬嚕～(老婆豬小心喔….你好似唔係幾飲得架咋你話…^^”)
之後老婆豬返到深水步就再打多次電話黎話就返到屋企嚕～咁我就放心多了….
(好明顯…對老婆豬真係緊張同擔心左…好驚會俾到佢好緊o既感覺咁…對唔住呀….老婆)
今日返到去對住阿Fly時…雖然係工作緊…但係個D感覺又出番晒黎….好怪…
同埋今晚可能係星期一o既關係…個埸都好空…只係得一、兩檯客…好悠….
o係咁悠o既時間入面….阿Fly拉左個女拳手埋黎問多次話哩個女仔阿Cat真係唔似脆皮咩？!
我話真係唔似…我仲拎埋我同老婆映o既卡相出黎俾佢同埋D女拳手睇….
阿Fly仲同阿Cat講話…之前咪話我有條女似你o既…而依家就即係佢條女呢咁樣..
隔黎D侍應聽到都呆左話問…嘩…你地咩事呀…又佢以前女友…依家係你女友咁樣….  =.=+
哩刻我都唔豬俾咩反應好……  ~”~
傾完冇耐之後….阿Fly就落左去接條女 “阿善” 上黎食野…佢女友仲等埋佢收工添….真幸福。
阿Fly走左之後又繼續工作…..而工作都依然好悠閒….
到最尾….本應可以七點鐘就全世界收工…之但係有條仆街婆….
飲到HighHigh地….結果仲要磨撚到爆燈先走添….正仆街黎架……….

換埋衫….就o係21號am0810就打卡走先喇我…..
之後行去搭車….諗住試下行其他路會唔會近D個站丫…
點先…行左兩個半字…即係差唔多十五分鐘咁濟…就On鳩鳩行行下….
行到落348對面個站先停落黎等車…..勁白痴囉…..即係由尖咀站行左落佐敦囉….
停左落黎仲要等多三個字先有車…真係紋紋地呀…出九龍方向個邊仲要走左三部車添….
火都黎埋…..等車個時…又俾普通話人問搭去機埸係咪o係哩樹等車…  =.=+
我又用左英文同佢講囉….  =.++  唉…咪玩我得唔得…個人已經灰灰地擔心緊好多野架喇….
仲要突然o係後面同我講…”你好…請問xxxxxx”   我媽叉叉叉叉x丫….  -0-”
返到屋企am0930…足足一個鐘又…..番到黎…
玩陣電話….到依家打埋哩幾日o既日記….食埋隻糯米雞就洗白眠豬嚕…
嘻嘻~~唔豬一陣兩點鐘可唔可以起到身打俾老婆豬叫佢起身呢～ ^^

後記：
今日最終眠到七點幾起身…下午個時兩點係冇起到身叫醒老婆豬架…..
而今晚出門口個時本應可以好悠咁番去…但係就因為唔記得帶電話…
所以又搞到好趕…最終仲要買埋個麥記上車食添….
之後落車去左拎野食俾老婆豬就返工喇我…..
工作唔多講喇….種感覺依然o係到…..

15號眠醒起身pm1800….磨哩樣磨個樣…終於到左老婆豬出門返工個時間…
送完佢返工之後….我就要一個人咁鳩等喇～
因為本應約左個時間見工而因個老闆遲遲都仲未返o既關係而搞耐左…
無無聊聊….閒置到十點半左右…終於有電話回應話去得見喇咁….
見完之後就叫第日返工喇～ =.=” 最近哩幾份工…唔豬做乜鬼…
次次見親D工…都由原本自己選o既職位…
都o係見工個時俾人轉左去更有點挑戰勝式之前未做過o既職位….  -0-”
都唔豬好彩定黑仔….好彩o既係可以話係人地肯比機會你去試…
唔好彩o既就係…唔係你自己選個樣野黎囉…..不過算丫…感覺還好就算嚕～不想其他啦…..
見完之後…就番左大幫搵番阿奇同埋阿傑&Ivan、阿Ming出黎吹水本身諗住..
但後尾再娥埋Jovi個時話岩岩收工未食野丫…So之後阿奇就車晒我地六個一齊去食野丫～
食完之後…Jovi已經好累話走先嚕…而阿奇就再一次送埋我&Jovi 回家之後自己先走丫…
當我返到屋企個時老婆豬打電話黎丫….
o係對話中傾得好開心添…仲話老婆豬收工之後去打機機….
傾完之後….換過晒衫衫就又再出門口喇…..真係黑仔囉….
o係等車個時等左半個鐘都冇車有位上得囉….到最後仲要搞到唔可以出尖咀接老婆豬…
而要搞到o係長沙灣丫…但係岩岩上車個時老婆豬打黎話佢走得收工喇…
仲同我講話可唔可以轉旺角食野呢…因為愛玩的老婆豬驚長沙灣機鋪收檔冇得玩丫….
所以就轉去旺角食喇..食完就可以落太子娛樂城玩嘛…咁樣喎。  ^^
嘿…如果老婆豬早D諗到咁樣就好嚕…咁就唔駛搞到老婆豬要等老公豬咁辛苦啦最後。
老婆豬o係等我個時話好想食麥當當…於是我都讚成佢去買左先….
如果唔係一陣又轉左做早餐的話….咁就失望而回唔好啦…
但係老婆豬去到間廿四o既時候….發現至到唔豬幾多號…間野都會因一D事而唔開住丫…
所以o係我落車見到老婆豬扁嘴仔個樣係相當非常得意可愛架….嘻嘻～^^  啜
之後我地行去買左D串燒食….食完先再去食 “豬軟骨” …..食完就去打機機嚕～

同老婆豬一齊打機打到16號am0430就番屋企嚕～哩日返到老婆豬屋企….
阿雪…阿冀…KK & Gary已經o係到嚕…不過阿冀& KK & Gary都已經入睡嚕…
而我&老婆&雪就睇左套戲叫 “野蠻秘笈“丫…但係睇完之後….
套野好似同個名唔夾咁….不過都算丫…還一般可以用黎笑完掉o既….
睇完之後我&老婆豬就入房覺豬喇～
一豬就豬到pm1630左右啦…就起番身….
起身之後到最尾都俾老婆豬磨到得番好小時間出去行咋….
因為今日要返工o既關係…穿o既係要黑衫黑褲黑皮鞋…而哩幾樣野我又冇啵..
So..老婆豬同我一齊出去選喇～選左好耐…都好彩選好黎買….
買完之後就送左老婆豬返工…之後自己再去番去老婆豬屋企先….
因為仲有兩個幾鐘頭時間唔豬去邊丫…而又買左D衫褲鞋…So..就想順便番一番去試下先喇～
試完出黎還可以丫…不過就真係唔係咁鐘意著黑色喇….不過冇法  -0-”
試完…食埋個飯….冇耐就同KK &佢朋友 “阿新” 一齊出門口….
阿新同我地去到地鐵站就走嚕….而我同KK就去尖咀各自返工…..
送到KK到返門口之後….我自己亦都過隔黎街返工嚕～
第一日返工….還好丫…對住一班夜生活o既人….感覺未諗到點形容…
但係就已經諗左一大堆野出黎丫已經。
哩份工…係老婆前男友介紹入黎o既..叫阿Fly…而仲係佢帶我點做添D野…
感覺仲怪上怪…形容出黎o既都只係覺得 “怪” 。
周阿Fly佢一齊返工o既時間只係三個鐘…三個鐘之後o既佢就收工…
剩落黎o既九個鐘…就只得番我一個人。不過平平安安總算冇事….渡過第一日o既工作。
途中…老婆豬收工都過左黎..不過要叫先肯過丫…
唔叫唔肯過丫…唔叫就收工剩住識誋住玩喇已經 -0-”
仲話過黎都唔豬做乜…咁我都只不過係第一日返工…想你黎俾D力量我渣嘛…
但係估唔到o係電話到講話…已經要落348嘛…唔記得拿你?! 
灰左…!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
後尾俾我o既感覺..仲要好似係覺得因為係阿Fly先會過黎咁…因為阿Fly好大聲講左句野。
不過其實可能只係我有時去睇一件事…睇得太深ja…
而我就真係唔係好想將樣樣野都去諗咁多或咁深又或者更遠o既野。
真係唔想見到前面o既哩一步係點…就已經諗定埋第二、第三畫出現o既情景會係點。
唔係話要唔諗將來…但係…真係控制唔到樣樣野都諗到最後結果係點咁。
太煩喇～(要學習先得喇～)
上到黎之後…老婆豬仲買左野俾我食添….好暖丫…笠屎你喔～>3< 啜～
老婆豬上左黎之後…仲俾到我股 “愛之魔力” 添….使我個人更有活力去做野添…
嘻嘻~~多謝你呀老婆豬～～～～～～～～～～～～～～～～
老婆為我加氣之後仲送多樣野俾我添…就係佢個袋仔喇就…送俾我幫佢Keep 住Bag先….   =.=”
哈哈哈哈….激死左…真係真係真係狡猾的老婆豬喔….  ><”  哈哈哈哈…XD
而o係我當見到老婆豬同太子文上黎個時…真係唔豬點解好唔舒服之餘仲有種討厭o既感覺…..不過其他人就冇嚕～
其實唔止一次係咁喇…係唔豬幾時開始…見到佢同我老婆豬一齊出現o既時候…就係咁…
哩D可能就叫做呷醋喇～ =w=” 
佢地收左之後….我接住落黎o既工作時間…總算平安渡過掛…我覺得。
不過o係我返工做緊野個時…有個畫面o係腦海出現個時…就覺得好個畫面…
好似唔豬係幾時見過咁喇～哎喲～真係好憎…成日都有D咁o既畫面…
有時仲要係有個人見到時….係諗番唔豬好似幾時係邊到見過咁…
但係肯定一樣就係哩個人或個畫面之前都一定係未見過同遇過架。
哩D係叫 “思覺失調” 丫….定係咩呢下？定一話係已經Shot左呢我？慘!!!!!!!

17號朝早am0847先走得….第一日返工就OT…(唔記得問OT有冇錢添)
之後行出前左個街口…本想繼續行過去348接老婆豬….但係都已經唔想郁嚕～
而又再諗諗野…咦…條路咁樣咁樣行過去唔駛跳表啵…就係咁…
最終都係打的過去接老婆豬喇～過去到之後見到老婆豬時好開心唷….>0<”
落黎一陣咋…老婆婆就話好想食麥記喇…So..就過左去食啦…之後KK就自己一個黎嚕~
食緊個時o係到傾開計…傾傾下….
KK話俾我知俾我老婆豬捉左入Toilet成人口2鐘都唔肯出番黎丫…
之後問點解…就係話唔豬點樣同幾時….由348個邊過埸去左過左Cyber 8埸…
而醒番個時已經o係Cyber 8 個Toilet入面。
聽完之後即刻火都黎埋…………………………………………………..!!!!!

18號pm1439 ..打完15,16,17o既日記就去眠喇….
眠醒起身七點半….之後就玩多陣電腦到十點三就出門口返工啦….
工作上暫時自己覺得都仲未有咩特別住….之但係…當見到要對住阿Fly個時….
個種感覺就好怪喇….o係我腦海入面迅間咁不停地出現左好多畫面出黎…..
好亂….好驚…..好擔心…哩幾種感覺突然出現左….出現並唔係對於工作方面…
而係覺得係關係上o既哩方面…..真係唔識講….
而因為咁…對老婆豬o既種種…都比以前更緊張同擔心左。
忙碌過後….又到收工時間喇….今晚出黎個時…我同老婆豬約好O係我收工之後…
過去接埋佢一齊番大埔…因為要去睇佢細佬&老婆想修下D頭髮喎…^^

今日pm1330左右就起左身喇…本應想再眠多陣…..因為個頭超痛丫…
琴晚食左D藥一陣又眠左…又冇等到老婆豬電話丫…今朝又係….=.=”
激撚死左自己~”~  但到最後都係冇眠番丫….因為太痛喇~
接住就只係訓o係樹睇左陣都市閒情…
岩岩亦都講緊一D關於今日情人節點樣渡過同埋送D乜野o既環節…..
睇完之後…係唔覺得有咩驚喜  -0-|| 只係發覺…年年都係類似o既野….悶死了…
唔知幾時先有D新趣味呢….!?  每年每一個節日都係咁….新年舞獅派利是….
端午爬船食傻粽…..復活迎兔出奇蛋……清明燒味念仙人….
萬聖扮豬嚇死人…聖誕裝樹燒火雞…..
年年都係咁…..唉…人生竟如此這麼乏味…那麼人生的趣味又何處尋呢？
不過….唔豬會唔會有一日黎個Mix呢!?  即係將節日o既活動掉轉或混合出黎…
哈哈哈哈……睇黎我都係病到傻傻地嚕～算吧啦…..(都只係講下笑ja…XD)
今晚本來就約左四Pair人同埋D朋友仔去咖啡灣BBQ…
但係依家就落緊雨…所以今晚都係未知點架…..  =.=”
依家係pm1559…無聊地發呆打緊哩篇日記…同埋諗緊…
拎唔拎架車…執下野..同埋洗下咁呢….太無聊冇野做喇因為…
之但係….又落雨啵…唔想郁…. =.=”   到底點好呢？
依家又好似餓餓地….但係頭先食飯時有晒飯(送) o係到…都冇食到….
只係叮左兩個蛋撻食就算數……  =0=”
今晚點!? 個行程表到依家我都未諗到……個個都眠到隻豬仔咁  =0=”"”
頭先pm1415打左俾老婆豬叫起身報數之後就問埋佢打俾其他人問下好冇…
但老婆豬又話佢地可能仲眠到隻豬仔咁..So..只係打左俾o靚妹就唔打啦….
太子文又唔豬一陣去唔去睇戲….
o靚妹又話一陣約好人四點幾會o係旺角睇埋戲就入去搵位BBQ….
約左邊個我又唔豬….  =.=”頭先o靚妹打番黎個時…又仲眠緊咁o既聲…唔好意思再問佢啵….
唉….算吧啦….一於唔諗其他野。自己想點就點先啦!!!!!!!!!!!!!!!!!!!!!!!!!!!!
唔好..好似上次咁又話決定好晒D野…之但係冇人同我提早直述番講番俾我知就得喇….
真係依家越諗就越紋紋地添……><”
依家已經係pm1610….就算一陣有電話黎…都唔豬預唔預得到時間添呀我/.\

Remark：(哩個情人節…真係諗唔到送咩同埋點過好每個情節好。 I ‘m so Sorry…)

後記：214pm1800左右終於決定出門口拎車先嚕～
拎完車之後就接埋阿奇…o係阿奇食飯個時我就洗下抹下車咁…..
跟住之後就出左去搵埋阿傑同一個男仔…又唔記得左叫咩名嚕～
就一齊去左 “芒果大王” 食甜品…食完之後傑同個男仔就留左o係到等另外D Fd…
本應我同阿奇都諗住一齊等…但係因為時間關係…所以就同阿奇走左喇….
走左之後就車左阿奇出去同佢一齊選禮物俾人丫…….
估唔到今次出到去D鋪頭真係俾上次聖誕前個排早收左…..
不過好彩…..最尾都可以o係鋪頭收鋪前買到心頭好…..
如果唔係就真係白行嚕…..買完之後就車番佢番入大埔先….
再搵番佢D Fd吹陣水….pm2330就再車佢返火車站…
同時o既我都起嚕….早D出去搵定位泊車再等老婆豬收工…
點知出到去冇耐之後….見老婆豬走左出黎傾電話…
就話…原來太子文都出到黎尖咀…叫我打俾佢話佢知o係邊搵位泊  =0=+
約見之後就去左對面茶餐應邊食邊等老婆豬收工….
到老婆豬收工個時就一齊出發入番咖啡灣嚕～
入到後….真係俾我講中….一定係預左好快走…
但係點都估唔到真係超快走個隻。
同埋就係…氣氛冇我想像中的好… 十個失望為滿分就有十一個失望喇～
入左去一陣….出番黎九龍之後….
佢家姐KK & KK男友阿明同我地一齊拎完D野上樓就留左o係屋企丫…
跟住我同老婆豬就出左去遊車河….因為老婆豬唔想我出一出黎接左佢之後…
而又咁樣走完一輪就走丫我….所以老婆豬就有此提意喔….
最終我地本身諗住落348架…但係後尾有D麻煩野…So…冇去到..
而接住就o係車到同老婆豬講話去行陣海旁之所之餘…
仲睇下老婆豬好唔好彩數喇今晚～嘿嘿….^^”
但行完尖咀海旁之後….都係咩都冇架….可惜了…^^”
接住亦都走人去泊番底部車…之後就再同老婆豬一齊搭番車出黎去老婆豬屋企覺豬啦～

當日事後感：當有情人的時候,我真的會比較享樂於二人世界入面多過其他的!!!!!

10號哩朝早….眠到九點幾好似係自己好自然咁起左身…..
起左身o既同時…就係老婆豬去完348返黎冇耐o既時間…….
個傻豬返到黎之後就開左Cam俾我睇下佢個得意樣….嘻嘻~~相當可愛….啜～
我地吹症陣水之後….仲玩左陣Game添….終於可以同老婆豬一齊玩到msn入面D Game啦….好開心….
因為之前成日都想同老婆豬一齊玩架…因為自己想玩叻D之餘….
又可以同老婆豬有共同興趣丫….^0^不過….都仲係玩得好屎呀我….
之後仲俾老婆豬串…駛唔駛等埋我添…因為D分拋黎得好遠呀～  ><”
玩完之後…老婆豬就入房覺豬…而我就一直都眠過….
到中午個時…終於有胃口食番D野丫…食埋飯之後…冇耐就出左去見工….
出去前打過幾次俾老婆豬叫起身…但係都係冇人聽丫….
不過我相信老婆豬o係老公豬唔o係身邊時..都一樣可以做到o既…
所以就好放心咁出去喇…..後尾出到去見完又係咁….真係灰灰地… =0=”
返黎再打打俾好老婆豬叫佢起身返工…..但係隻衰豬都係搞到好遲先肯出門口囉….><”
激死左。老婆豬今日返西灣河….時間雖然長左…但係D數就唔係幾好喇～
不過聽老婆豬講番…個樹D人都Okay幾好唔錯o既…咁我都放心D…..^^”
到老婆收工返屋企打埋佢篇日記之後…我就發現到佢今日收工去搭車個時俾D o靚仔聊囉…
真係著著地呀….依家D 16、7歲o既仆街仔成十一點幾十二點咁夜都唔返屋企…
仲o係街上聊女仔….真係咩世界呀….好得閒咩家陣!？ 得閒返屋企打飛機啦～
到老婆豬返到屋企個時….我就Sd左多今日下午自己映o既相俾佢睇…..


隻衰豬….估唔到佢睇完之後就貼左上去佢自己個日記到丫…. @@”
嚇死老公豬嚕～

11號朝早am0630….同老婆豬傾完計之後就洗白眠左丫…..
眠醒起身..真係又唔記得幾點喇….哩幾日個日成日都作嘔咁…勁唔舒服….
冇一日好過….慘慘慘….  >_<”   到左夜晚食飯時候…..見到有飯有(送)食都已經唔想食啦….
結果只係煮左個麵食就算數嚕….以前o既我唔食飯o既時候都會煮兩個都食…
但係依家….唔豬點解….只係煮一個麵食就已經覺得好飽嚕….
有時仲會差D食唔晒添….要食好耐先食得完…..哎唷…發生咩事我會咁架….!?
哩日我照鏡個時…發現成個人都真係笠左笠晒…..唉….救命丫～
訓又唔係已經唔夠訓喎…..藥又唔係冇食….食左係好D呀…
但係好D之後又打回原形咁…有時仲衰D添  =0=”
訓其實我已經覺得俾以前真係訓多左….但係唔豬點解俾老婆豬見完之後…
仲話我唔夠訓咁o既樣丫…眼袋好厚之餘…仲俾老婆豬話我個黑眼圈超大….
真係唔豬點解會咁啵～而我自己就覺得哩幾年o既身體…只係一日比一日虛咁。
今日本應同以往一樣….預好晒D時間出門口接老婆豬收工….
但係o係我病緊o既狀態下拖累左….搞到成十點半咁濟先出門口….
上到巴士個死人司機好似新手咁啵….慢到嘔…最尾都係頂唔順….早左兩個站落車….
寧願快D上地鐵好過o係架巴士到俾佢停多幾個燈位又再起步埋站咁拖慢左個時間….
而最終….好彩都岩岩好去到老婆豬收工個樹….而老婆仲拎坐個袋企左o係門口添….
問佢做咩咁樣…佢就話Toilet有人o係樹搞到佢換唔到制服住…要等下先得…
就係咁…
亦都能讓我趕得切接老婆豬收工…唔駛佢等我咁辛苦….總算個心有番D好過….
唔駛老婆豬等番我咁辛苦咁慘慘…..  接完老婆豬之後….老婆見到我o既眼神做咩好似好惡咁….
其實我冇野架…只係可能有D唔舒服影響左ja….唔駛擔心我喔….傻豬黎架…^^
接完老婆豬之後我地就搭車去左長沙灣買野食完…食完就去左打陣機機…
打之機就去左老婆豬屋企lu….今晚阿奇o係我出去接老婆豬個時打過電話黎…
話俾我知Cyber同838都有開左房玩…叫我返上去玩又講話上到去的話俾電話佢….
講完俾老婆知之後….老婆話如果我想返的話…會同我一齊返上去…
我聽到之後好開心…..但係哩家o既我…真係邊到Disco都唔想去….
因為真係已經又多樣野玩厭左喇～依家次次落親去…除左同老婆一齊落去個時跳多左之外….
真係其餘時間同Fd落o既…都係坐底吹下水…聽下歌玩下就咁算數…跳都真係少跳。
依家就連女仔都唔聊添….. ~0~”   所以依家落去真係唔豬為乜….
或者依家落去的話都有個藉口俾自己o既…就係因唔開心時先落去墜落囉～
唔豬仲有乜野未試過呢？賭…唔岩…毒除食煙之外…其他都冇隱….
色…可有可無….同埋依家o既我…真係炙以前冇得比….差左超多….勁無奈…
有時會覺得好冇用…好似俾唔到人咁  >w<”  Sorry丫～

12號pm1315左右俾KK叫醒左起身…問係咪返大陸…再唔出去就唔番咁話唷 >o<”
因為KK趕住要六、七點鐘左右要返落黎香港…同埋本應約好左今日一齊番上去架同埋太子文佢….
但係到哩個時間….我問老婆豬太子文打左黎未…睇睇之下係咪…再打番俾太子文….
先知太子文原來以為我地眠醒就會打俾佢叫佢出發丫….點知原來大家都以為大家係點係點…
磨左輪之後….太子文上埋黎就一齊出去搭番太子搭直通巴上去丫….
o係過香港關個時…個衰佬太子文串嘴行 “e道” 囉….
仲要過完關之後就上車唔等埋我 & 老婆同KK添…真係激到啤一聲….

(同老婆一齊o係大陸某餐廳食野時映o既….^^)

續….

13號完成一半記事….
現先補照片…..其後的擇日上映….^^

二月六號年初九….
am1130左右….終於打完麻雀喇…..而老婆都入黎眠左一陣….
就要又起身返太古坊開會丫….真係辛苦死嚕…..睇下你下次仲敢唔敢咁樣玩法…^^”  曳豬黎架…
pm1400送到老婆豬去太古坊之後…就呆呆地o係出面等左兩個鐘丫….
到四點鐘…老婆豬打黎話佢開完會嚕….之後我地就邊行邊傾計……
唔記得左傾開咩…行過間麵包鋪…
老婆豬仲要話買條好長好粗個D麵包黎扑我添…..真係衰喔  ><”
之後我地就返深水步lu…因為琴晚老婆豬成晚打牌搞到冇眠過o既關係…..
所以一番到屋企就覺豬啦…眠到六點幾個時…KK入黎叫左我地起身之後就即刻出左門口喇……
聽到砰左聲門之後…唔豬點解同老婆豬動作好一致咁彈左起身出廳……
不過出到廳冇耐睇陣電視咁我地又好快眠番嚕…再起身個時已經係八點幾嚕～
最後就仲搞到老婆豬冇返工添…..Sorry呢….  >w<”
o係中途眠緊個時….發左個好得意o既夢…就係夢到去接老婆豬收工…
情景仲好溫馨添…一邊傾住計咁…而老婆豬又靠住我個身黎行….^^  好Warm…
仲o係夢到知道老婆豬今日最終都有返到工….仲番左個半鐘添….^^”

二月七號星期二
哩日我七點幾起身….因為今日約左時間am1030做物理治療…
所以起身之後同老婆豬講聲再輕輕咁錫多淡就走嚕…..
老婆豬o係朦朦朧朧中應左我同佢講o既野….不過我都係驚老婆起身個時唔豬我去左邊….
所以我留底多張紙條俾佢之後先再出門口….
返到自己屋企八點幾…..沖埋涼再磨多陣又九點幾十點…..
本應仲諗住遲好多先去到添…因為都差唔多成十點先出門口…..
不過都好彩好快….估唔到十點七個字就去到….快得很呢。
差唔多睇完個時老婆豬打電話黎話起身嚕…傾左陣就收線啦…..
到我睇完個時..打埋俾老婆豬之後就又過番深水步丫….
o係途中阿奇黎話陪佢出去拎電話….咁就約左兩點o係旺角等….
仲話佢出門口個時打俾我添…但係後尾到兩點都仲未有佢電話黎個時就打番俾佢嚕….
問佢o係邊…佢仲話o係屋企添啵…咁即係冇野啦就收左線嚕～
過左陣….KK話太悶關係….So…就三個人落左去租書丫…後已仲租埋碟添…
接住我地又去打多陣機機….時間差唔多六點o既時候….
我地o係到諗今晚食咩時…就諗到仲可以買到吉野家食啵…
So..就去西Dog買啦諗住…但o係去之前行過間 “懷舊零食店” …..
繼而又入左去遊陣爽買一番嚕～   買完又繼續行….差唔多到o既時候….
見到間 “印度薄餅” o既野丫…KK話好食就又買左份黎食嚕～嘿嘿…
塊薄餅因為要整o既關係…所以到最後係趕唔切去買吉野家食架….
結果買完塊薄餅我地就邊行邊食個時亦都決定左去食壽司啦….食完之後亦都返去喇又～
夜D KK接左阿明返黎之後….就一齊睇戲添…個刻有種感覺….好……(唔豬用咩黎形容好添…..^^”)
四個人仔….兩對小情人….一套映碟…
造就左一個好像蠻很浪漫暖意的氣氛出來。相當有趣…
睇完戲之後…睇埋KK幫阿明染個頭之後….
狡猾的老婆豬就哄左我覺豬之後就自己玩多陣電腦先再入黎眠丫～XD

二月八號星期三…….
同老婆豬眠醒起身個時已經唔記得係幾點嚕～
而應該o係pm1900左右啦…..KK就打電話黎落叫落去買野順便幫手拎野丫…
去完惠康買野之後….仲去買左好多野食添…..之後就返上樓….
食完之後就睇陣電視玩下電腦咁…冇耐就同老婆豬兩個人落去去打機機….
打完機之後就發覺KK男友Gary已經上左黎嚕….過左陣…
KK拎左茄出黎問要唔要D玩野….最後俾魔鬼引誘之下….就要左D丫….
接住又玩埋牛牛….就o係咁….又搞到我有D想湯o既感覺丫….
不過好彩o係屋企玩….控制會比較易D….
之後又o係到跳舞&炸機….結果搞到都係有D斜斜地架….
KK仲殘認到要我地玩埋 “趣味性遊戲” 添   =w=”
玩完散晒唔都只係半個鐘多DD….但係就好似過左好耐咁….
好似玩左好多野咁….但係時間就過得慢左D咁…..
玩完老婆就繼續玩多陣電腦之後就一齊入房覺覺豬啦…..

二月九號星期四…….
眠醒好似係點幾丫….之後就起身去搭車返自己屋企….
但係好無奈囉…搭小冒諗住可以快D返到去….
但係上車之後就等左45分鐘先開車囉…激撚死左…..
今日本應想番屋企拎D野就再出去見工….
但係俾架小巴搞遲左之後就決定今日唔出去住丫…
返到大埔之後….本身只係同阿奇出黎食野….
但係阿Nick打電話黎問我有咩搞之餘….仲想搵埋我一齊出去食野添…
就係咁….搵完阿奇之後….就約埋阿Nick o係大中等….
Nick本想趁佢今日放假…幫我整整個頭….但係我話佢師父上次話唔駛修咯啵…
依家哩個長度岩岩好。再同阿Nick傾多陣….佢都一樣係咁講….
但係我就覺得真係要修修喇….好似長左DD咁…不過算啦…聽聽人意見為妙。
食完野之後….就提意左去篤波…去到之後….一貫作風…就係睇人篤波喇….
睇完佢地兩板之後….因為阿Nick俾佢收Jackie吹佢出黎問幾時到…
所以就第二皮都未打完….pm1800就走嚕….
Nick走左之後…我周阿奇就打多陣機機…..再去搵埋高進….
佢地去食野…而我就回家啦….返到去冇野做….
o係msn吹左陣水之後就坐埋左一邊睇電視….
睇緊個時老婆豬打過電話黎我都竟然聽唔到囉…..對唔住呀  >w<”
之後打番俾老婆豬…佢就話今晚會去348….
聽完之後我都只係同佢講左聲…自己小心D玩喔…唔準HI咁大丫…
傾左陣….老婆豬就去洗白嚕….而我就只好繼續呆呆呆丫….
因為真係好唔舒服…..連續作嘔左已經好幾日喇…..
但係又成日都嘔唔到野出黎…都唔豬想點…. 超辛苦丫～
最終都係食左藥之後就眠死左嚕….老婆婆出門個時打過黎我都冇聽到….
Sorry呀  >w<”