miKe’S 嬉笑人生

24號早上咯～玩完車晒番深水步
KK周阿明就買早餐食…..雪雪就買自己野…而雪雪後尾仲買到迷路先肯番黎…XD
我就同老婆去汨車先再上番去…食完晒野…等老婆執埋D衫….就走入大埔喇..
先去Bank幫KK入票後就再去皮豬o既Daddy媽咪家放低D衫…就去我屋企喇..
但去之老婆就話去洗剪髮..話因為天氣凍唔想自己洗咁話唷～@@”
啤一聲…嘻嘻~XD
搞掂都一點多…兜佢過埋我屋企之後..我就自己再去拎番架車俾屋企人…
但係因為要搞牌費D野丫…So….一齊去搞埋先番黎…
搞緊個陣問埋…得知今冕屋企人同聽日都唔洗用車…
所以就即刻Sd定個信息俾老婆過今晚可以去BBQ丫～搞完之後…番到黎…..
媽咪又打電話黎話買左件衫唔岩…拎出去換完之後拎番黎…
結果我番到屋企..搞埋D野..沖涼…都已經係1600多喇～終於有得眠..
累透了…眠到咁上下…好似五點幾六點幾左右啦…
老婆叫醒左我起左陣身醒一陣咁..但係因為我太累關係…
結果係眠多左陣架…到最尾眠到十點幾十一點起身個時…
老婆已經發嬲喇…問我捨得起身未….我一聽到咁o既語氣就即刻起左身換衫喇…
起左身之後…已經見到佢換好晒衫咁玩緊電腦….同埋老婆成面黑左..
未有一面正視過我之如…我亦唔豬佢幾時已經係起左身  =0=
之後問極樣樣野都係好悔氣咁答..或者係唔出聲唔答…過陣同o靚妹傾左陣….
佢話想打牌…So…我同老婆就出門喇….但係老婆依然都仲係黑面….
同埋語氣都唔係咁好…我就問佢咩…佢就話我好覺唔覺頭先自己好自私？
跟住我問…我頭先做過乜黎好自己喔…佢就話..
“你見到KK打過黎…做咩都唔叫佢打番俾KK”..反而自己仲繼續眠…
(但係…我印象中好朦朧咁係記得好似有講過話KK打過黎…)
咁但係一個人眠緊o既時候…見到Miss Call都係後黎醒左先覆番架啦…
同埋我最後見到個電號係只得八個數字o既…所以先都係冇接而繼續眠咋…
後尾再傾下先知原來七點幾個時KK打過黎話已經確實左話去o既…
問老婆豬點解唔同我講…就話唔記得左丫…吵完一輪之後…
老婆o既語氣一直都仲未好過….唔豬係因為擔心家姐嬲左佢自己而唔開心…
定一話係因為我咁樣o既自私而令佢唔開心呢？!定一話係兩樣都有？
最後….佢話俾佢一個人靜下…但係我唔想俾佢自己一個人上路凍冰冰咁番屋企..
所以都係送埋佢出去先….送左佢番去後….借左個Toilet一用…我就企左o係門邊嚕～
KK就問我咩事…我話走喇….後尾老婆出黎又問多次..答案都係一樣。
但係我答完佢之後就佢自己坐左o係到…冇出聲…而KK就叫我除鞋先等等…
坐左o係老婆身邊o既我….真係唔豬想點….
坐落左陣…大家都好似冇乜事咁..但係KK就問左我地好多次話發生左咩事…
但係我地就大家乜都冇講…..最後…KK&老婆豬脆皮睇碟睇到眠著左…
而我就幫手執開D(木台)同D垃圾先…因為老婆又唔肯番房眠…
眠左o係梳化….驚佢眠眠下轉身張(皮)整到D野倒潟…
執好晒之後….包埋袋垃圾…

咁就o係哩個25號am0640靜悄悄地離開嚕～
落左街之後…諗住行去搭車番自己屋企….但係結果o係將去搭車個違地方…
同埋老婆屋企個達地方o既路程…差唔來回行晒好幾次先肯捨得真係去搭車走..
不停來來回回o係條凍冰永o既街上行黎行去…o係到諗…到底自己想點….
當離開老婆屋企越遠o既時候就不停落雨…好想番轉頭….好唔捨得…
好想每刻可以o既時間都想陪到老婆豬身邊….
但係番轉頭o既同時…我亦o係到諗…依家番轉頭可以做得D乜？
唔通o係條街到坐到老婆豬起身？結果係諗到…老婆臨覺豬前個幾句說話…
覺得D語氣都仲係唔係咁靚之餘….從而億起岩岩由我家走之前…
佢對我講話一句說話就係…俾佢一個人靜下丫…  咁樣..
所以決定左不停落雨都要離開…..為老婆豬好…就俾佢靜一靜先…
希望老婆起身之後會好番丫….
因為我唔想見到你唔開心…唔想見到你黑面….唔想見到你生氣…唔想見到你大左個樣…
只係想見到你開心….想見到你帶著微笑又活潑可愛的動人樣子…想見到健康的你….
無奈…吵鬧o既時候每個都會有機會發生…但真係好想可以心平氣和咁去解決。
即使大家個刻未能一致氣和咁講野….但係都希望有其中一方可以柔聲地說話…
就好似岩岩咁…你依舊地使著悔氣語氣…我就依然用柔聲的語氣跟你說….
去配合番…遷就番…為何要這樣相處？這樣並非已經下定誰對誰錯的關係….
也並非….已定下邊個食住左邊個o既關係…
而只是…有一方的心的確是真的愛著另一半的。
即是說…

    
全都是只因為我的心是真的愛著你。

(後補日之記事)
25號…發生咩事唔諗番喇…唔想記得…
我只係想將我開心o既野記住….唔想有一D唔開心o既野令我傷心難過。
但係…o係我腦中…每一件唔開心o既野…總是往往都不停浮現…
不停在重演埸面….繼而不停令我傷感、失落。
其實每個人每次嘈交時…都一定係辛苦架喇….有邊個話真係會覺得….
嘈交係一種帶有爽快感覺o既事架…..

(總結：25號是一個不快的日子。)

21號朝早…落完348之後…因我本應要落銅鑼灣…So…同F分開左走..
F要自己一個搭車番上水…沿途冇人陪…Sor丫..
而我就同老婆豬…小欣..仲有個女仔..好似叫小黑….
一齊落地鐵站後就分開走啦..我同老婆豬脆皮…臨上去屋企前…
買左好多野食丫…先o係七仔玩完一輪玩左隻糯米雞同野飲之後…
傻豬知我想食…So..又再出去搵過間人地飲早茶個D地方黎再買過隻食…
點知…搵到買完之後…仲買多左好多野…又炒麵..叉燒…雞翼…油炸鬼…先走囉…
呵呵…番到去叫埋佢家姐一齊食….嘿嘿…飽死呢…XD
食完之後我再打番個電話俾原本約左今日一齊出Cwb個朋友仔…Nike…
點知個電話打極都冇人聽囉….最後留埋言都冇覆到架><”
嗚….55555不過係我唔好先o既…本來琴晚都只係同佢講話…
沖完涼出黎先再同佢傾…點知…出左黎之後就電話到..接住落埋吧…
去到後..Fd電話冇電..So換左舊電黎用….
用完之後就冇左件事要打番俾佢話佢知點樣丫…
所以就搞到成晚冇左件事之餘…仲令今日去唔成添  =口=” SorSor呢…
就係咁…搵唔到佢個人之後…我就同皮豬覺覺豬啦….隻衰豬又眠o係梳化…
唔肯番房眠….後尾眠到一半再起身時先肯再番房眠豬…真係激死我喔  >w<
諗諗下…下次再係咁…掉低佢o係廳眠…而我就自己番房眠…
呵呵….鬼叫凍咩咩哩排。嘿嘿….不過都係講笑ja…點忍心掉低老婆豬一個人啵 >0<”
一眠之下就眠到六點鐘起身返工時間啦…
落到MTR皮豬話唔駛送佢話去…So…就分開左嚕…而我就去左黃金睇野丫…
o係埸入面行左成個鐘同打左成個鐘個電話都仲未搵到阿文囉…
激死….F又係話搵佢唔到….  =口=”  本應約好左話一齊番大陸架嘛…
依家又搵唔到人…即係想點先  -0- 結果我都係一個人返左屋企先架…
夜D阿奇打黎問係咪上去….我話都係你上去先丫…
夜D等埋老婆豬收工睇下佢累唔累先上係都。
收左線冇耐…..文終於打番電話黎囉…原來條友仔頭先眠死左…
唔怪得冇人聽電話丫….打番黎之後問佢點…結果係唔上去架……..
過多陣阿奇打黎話番俾佢知唔上之後…又唔記得左同番老婆豬講聲丫..
因為個時已經入睡中嚕…聽完奇個電話又眠番著嚕…
所以搞到老婆豬嬲左陣….不過後尾冇樹…

22號am兩點幾左右…皮豬o係返工個到食完野之後打黎話落348  =口=”
話落陣走….點知落陣都玩到好大囉….好驚老婆出事….到最尾…
佢地成班玩完天光走個時…老婆豬都仲未大完….
好擔心…一路同佢接住講住電話唔俾佢收線…
仲Sd多個信息話俾佢家姐KK聽….皮豬好大…
依家同埋太子文佢地打的番緊黎…  話一陣麻煩佢咁嚕….好彩到最尾都冇樹…
安全番到屋企…但係個衰豬仲係大緊 -口-”
不過算啦…返左屋企都應該安全架喇….~”~  傾左陣就收線眠啦…
晚上十點幾….要開始出去接皮豬收工….收左工一齊搭車番黎大埔…
因為佢要番媽咪Daddy屋企食飯丫….食完之後….過左黎我樹拎叉電器叉電電..
再玩陣電腦…食下野…..就送番佢番媽咪Daddy屋企眠啦…送完之後就到我回家
打埋依家見到o既日記….再洗白豬就眠啦….

23號下午三點幾四點起身搞掂完D野就出門口去佢Daddy媽咪間鋪到搵老婆喇…
出到去等佢地食完玩完一番之後仲拎埋盤汽水走囉…@@”
個日出黎本身已經拎住好多野嚕…好彩有三個人咋…
如果唔係得老婆豬同kk兩個人都唔知點拎嚕…一定好辛苦定喇~ >”<  偶不想喔..
好彩o係入火車站前有人打人咁岩打番電話黎而又o係附近…
呵呵….所以就只得kk上左火車出灣仔開會…
而我同老婆脆皮…就等阿奇渣架車過黎兜我地出去深水步…
呵呵….不過好唔好彩…出到去差唔多個時就塞車…
搞到D時間變左同搭完KCR轉MTR o既一樣….不過算啦…
落車真係行小好多步…同埋就真係唔駛同人迫咁煩….呵呵…爽得多了…^^”
之後皮豬就砰砰聲執番好D野之後就出門丫….
接住我地一齊去左西九搭車入深并送佢番工….
途中老婆仲o係車到化妝添喔…@@”  勁…嘻嘻~
估唔到車程好快…送完佢入去之後….我就番入大埔先…
本應約左阿奇&傑食飯…但係因為時間唔夠關係….So..兜左我入去拎車…
拎完之後…阿奇&傑真係好肚餓..So..買左D野食先再一齊入深并…
老婆電話打黎話一齊o係深井入面食野…但最尾話因為好應該會幾貴下…
So…冇o係入面食到…渣番入去深井接完皮豬就跟住落番旺角食野啦…
食完行左陣街….就車埋阿傑&奇番入大埔先….跟住就再同老婆出番深水步…
送低D野之後….再同埋KK…KK老公阿明….一齊四個落348丫…
落到去冇位….要兜左唔知兩個定三個圈先有位…=.=+  拍好就上去丫…
哩晚玩得好大….好成晚都幾開心….但係一開始我就搞到老婆要同我o係樓梯到企左成個鐘丫…同埋o係落咁多次D..都係第一次同埋哩次…玩到咁樣冒冷汗法..
之前聽D玩大左o既人講番話佢自己大左個陣出現D咩畫面…
好多都係夢埸&不停咁轉埸景..
同埋有D好似叫人清醒o既天使出現同叫人沈輪落去o既惡魔咁….
使到個心情有開心有唔開心…但係我就乜都冇….
個刻大緊個時個影像都只係停o係自己企緊個位個位置o既樓梯….
而有樣白痴野就係…因為我企個位o係角位黎…而則邊仲有條欄杆…
可以夠位坐到人o係到….而欄杆同牆身有一段距離及灣位等等豬如此類o既野啦…
咁我就o係到諗左陣…咦…點解會係咁o既設計o既…  =0=?!
哈哈哈哈….不過都真係只係諗左陣…依家講番都幾白痴….XDD
後尾終於出番去出面….o係梳化坐多半個鐘冇乜事…就落番舞池繼續玩喇…
玩玩下…仲撞番幾位識左幾年o既朋友仔添….大家都有成年冇見…
見番都話大家廋左….~0~”  唉～
Join埋玩左陣…仲越玩越多人…個圈都仲要幾大下…好耐都冇試過咁樣啦～
圍住一個大圈…每人輪住出黎o係圈中間跳…好開心…好好玩….^^
快樂o既時間點解真係過得咁快架…好快就天光….

20號am0729….經過五個半鐘o既時間….終於打完哩幾日發生o既事…
記得o既就打…唔記得….遷等記得o既時候再打番…
而記得o既…又唔豬係咪真係唔記得o既…就等想打番出黎o既時候先再打丫…
或是,…個時個刻已經真係完完全全咁唔記得左發生咩樹嚕….呵呵呵呵….
Yeah….依家就睇埋份報紙仔先…而一陣又食埋個早餐仔先….我諗九點半左右到啦…
食完….又要努力過嚕….努力完後番黎先再眠豬豬….
一陣兩點要打個電話俾老婆豬叫佢起身報報數先得咯…
衰豬琴晚又飲左小小酒…唔豬會唔會知醒起身呢….嘻嘻~~^^ 
不過我諗實得o既…老婆豬咁乖乖喔….^0^  
啜…
嘻嘻~~~靜靜雞留樣野俾自己記得先….
就係老婆豬脆皮覺覺豬個樣好得意好可愛架…..哇哈哈哈哈…XD
同埋一樣野…脆皮老婆豬..我會改下我唔出聲時個表情架喇…
我唔要再o係我唔出聲個時俾人覺得我係黑面…
哩樣野其實我不嬲一直都係咁架….
識我o既人一開始時..我都會講話都知道的。
但依家要聽你話…我記得你講過話唔準我咁樣…
要每次見到你..我都係要笑樣同開心樣黎咁o既….
但係好似未能完全做到….但都請你原諒我丫…
會去嘗試學好喔….別怪我丫….對唔住喔…

今日出左九龍灣之後就番黎喇….夜D再叫醒老婆豬起身….但係有人賴床囉…
搞到好趕囉…….正曳豬黎架….嘻嘻…晚上十二點幾左右…
有個朋友唔開心落左吧…So..出去前打電話俾老婆豬講聲就去左搵佢嚕…
落到去未入門口就岩岩有班人黎查牌…搞到o係出面凍左好耐先入得去…>w<
入到去之後又係傾下計飲下玩下咁…  =口=”
到老婆豬收工o既時間….打左電話黎..話丁3會落348 =口=”
咁我話一陣出去搵埋佢一齊玩…因為一日不見…真係好似如隔生抽咁丫～XD
所以飲完之後三點幾….同左F..同埋嘉儀一齊搭小巴出旺角再轉的士落去啦～
上到…第一時間梗係搵番老婆豬先丫…o係後梯見到佢地已經畫緊喇o係樹..
衰豬個晚萫得好小丫….明知凍又唔著多件….正曳豬黎架～ ><”
搞到引左好多仔o係旁邊同佢後面跳….~”~”"”
不過哩晚總算玩得幾開心….

19/01/2006
晚上眠左陣….起番身食埋飯睇陣電視
打埋個電話俾皮皮豬報到話一陣會換衫衫出街街去飲野…
之後就同左阿文、阿奇、.阿傑….四條友人落左吧傾計飲野丫….
哩晚真係好想醉…但係醉唔到….

18/01/2006
起身都應該係夜晚啦…..
冇耐就出門口…先去皮豬Daddy&媽咪屋企人間鋪頭到放底D野就搭車出旺角啦…
出到去Join埋皮豬家姐KK & 友人阿雪就九點半嚕….
之後o係等埋o靚妹同佢另一半阿基同時….
我地先行一陣街街…o係KK換鞋個時…我地o係門口等左陣傾下計咁…
唔記得講開咩…皮豬就講左句話 “呀..係啵…頭先掛住睇書添”
接住我就柔聲講話 “丫…你都知你頭先掛住睇書哩…” 咁樣…
之後皮豬就黑面喇又….我個刻都只係講笑咁渣嘛…
完全絕對唔係真係介意佢掛住睇書唔理我…
我知道一個人點多極野講都好….一定冇可能廿四小時都有咁多話題可以講架嘛…
我唔係白痴同自私成咁樣囉。講番&解釋番話係講笑之後….又好似冇乜事咁個刻…
就繼續行多陣就去Join埋o靚妹同佢另一半阿基再一齊去食野啦….
食野時我又唔記得左因為咩事我&皮豬又相方o係樹鬥黑面喇…
但後來又好似冇事…又繼續食飯喔….仲你餵我一啖….
我餵你一口咁食添…多幸福的感覺喔  ( *好想這刻幸福的情景能停留落黎^^” )
食完之後我地去左映貼紙相….o係佢地三個女仔映o既同時…KK男友阿明收工黎左…


最後我地三pair人都映左相….氣氛滿不錯喔….XD
映完之後仲去左極能打機…打完機冇耐….就返屋企喇….
送完皮豬返屋企冇耐就走喇我…皮豬就諗住送我去搭車…之但係佢送完我之後..
明知我都一定會送番佢番屋企我先肯走o既…嘻嘻~~^^” 所以都係話落去行個圈咁咋…
(*因為佢住個樹真係驚佢一個女仔咁夜o係街到行有事喔..)
但係估唔到邊行邊講笑中又嘈過咯  -口-”  一輪事發經過後…就送番佢番上樓嚕…
之但係我落樓之後….都仲好擔心好驚….So….一直冇收到…o係樓下坐左成個鐘….
好想再見多皮豬一陣先走…最後都係好自私咁樣打左個電話俾皮豬….
之後佢落左黎…我地又再去食野…食完又落番太子..諗坐打機…點知機鋪收左…
結果係送番佢屋企….就走喇我….am0550終於上車回家咯….

17/01/2006
朝早同下午就唔記得發生咩樹…
但係就只係記得夜晚出左去接皮豬收工….
因為18號佢放假…So…接完佢之後…
就番左深水步陣之後就好似搭番車落旺角轉車入黎我屋企啦～
上去之前去左七仔買野食買野飲先…但又因為一句說話…
而影響到皮豬….(後尾翌晚先得知可能係因面子問題…)
So o係七仔個刻同之後…又嘈左陣…. 
吵完之後….最尾好似冇樹…..但係咪佢真係冇事呢?!
我就真係唔豬喇…都只能聽到點講就係點樣咯…
而我只係知道自己唔係真係冇野丫…o係我未諗到咩原因會嬲時…
我真係好驚就咁分開左….個刻我好驚….仲o係到反覆咁問自己到底又講錯D咩黎…
不停係咁諗…諗極都唔明….個刻o既我完全由頭到尾或之前都係心情好好的…
同埋每句說話都係開心微笑咁一路互向大家o既…
仲係串下我時我串下你講下次咁o既…
但係真係唔估到一句帶著笑的說話都搞成咁….個時未知原因點解…
真係驚…好驚就咁要畫上句號。之後雖然好似冇事入左屋…
但係我就一直連鞋都唔敢換而佢換左先…同埋就一直攬住老婆豬…
o係到諗…o係到諗…o係到諗…o係到諗…諗到有刻老婆豬脆皮叫我擰轉面俾佢睇….
我一直都冇擰到…仲最後講左話急尿而去左Toilet添…
過左陣…皮豬玩完電腦之後累了….而我總算將心情平伏左一點後….
就齊齊去左眠豬嚕…

16/01/2006
眠醒起身…哩日係皮皮豬第一日返灣仔…
同埋知佢要拎住咁大袋野返工..而又好似有D唔知地點去咁…
So…..就同左愛豬皮皮出去喇….呵呵…送完佢返工之後…
就返左屋企啦….之後發生咩樹又唔記得咯  =口+v
呵呵呵呵～
(記得再補番喔 ^^”)

15/01/2006
晚上老婆豬脆皮o係黎我屋企前o係佢屋企拎左套碟黎我樹睇…
黎左我屋企之後….一齊睇左陣 “惡魔在身邊” 之後就有人眠著左要眠豬嚕….
之後同之前o既時間就唔記得發生咩事嚕～
(記得再補番喔…呵呵呵呵…不過唔豬係真唔記得定係假唔記得咯～)

13,14/01/2006 
朝早唔記得幾點返左黎自己屋企….定一話係12號晚已經返左自己屋企眠呢…
真係唔記得….同埋就係連起身o既時間亦都唔記得係幾點….
只知到….有人唔識醒起身返工….呵呵….打左成個幾鐘電話….
同埋要打埋俾佢家姐KK黎幫手先叫得佢起身返工….
之後….2000左右就出左門口去打便爐…
哩日同左阿奇…阿傑….阿Ming….Jovi…同最尾黎o既阿Ling一齊打便爐…
Jovi個衰婆仲遲到添….呵呵….打左成個鐘先肯醒黎聽電話…
已經預早左打俾佢叫左一次起身架啦….點知係就出門前又眠多成粒鐘先….. >0<”
激死…..呵呵…不過算啦…..後尾都好開心咁埋尾….途中仲夾埋我Fd黎君我飲酒添…
衰衰的喔….往我同你識左咁多年朋友….哈哈哈哈….XD
到最尾….仲o係到玩….如果佢地其實一個飲酒飲得慢過我就要同我落348個晚…
點知…真係有人輸左囉…呵呵…..最後有三個朋友仔同左我落348玩…Yeah…開心死…
因為落到去可以Join埋老婆豬脆皮….佢家姐KK…細嵐….同阿雪佢地一齊玩丫….
而哩晚呢…有D時候要自動較番時間兩邊走喔….呵呵….
因為要陪老婆豬之餘…仲要陪我個三位朋友仔…^^”
雖然佢地係第一次見大家….有聚埋玩o既時候…但係大家始終都係唔係咁熟關係…
So…都有分開玩o既一般時間喔….所以就係咁我就比平時會忙碌點喔….
呵呵…..好彩個晚都控制得幾好唔錯….^^v   Yeah～..So…Easy….XD
之後到14號天光八點啦…..我個三位朋友仔有事做就走先嚕…
咁我地就又好似玩到散埸先走…..出左去後o係門口企左陣…
就係話因為要等埋介我老婆豬個條仔出黎諗住介紹俾KK識先留左陣…
但係最終都係唔見個條友仔架………沒有緣嚕～   ~0~”
等唔到我地就去左食野喇……食完之後…返左去深水步老婆豬屋企…
老婆豬白都唔洗就咁又o係梳化眠左丫….真係曳豬豬嚕…叫極都唔返房眠..
番到去冇耐老婆豬就話個鬧鐘壞左…俾我幫佢整整…但因最尾粒鏍絲扭唔到出黎o既關係..
決定係落街買過個新架…so…同KK講聲話…落樓一陣…本應諗住一個人落去喔…
但KK問多左句話問我知唔知o係邊樹買….我話唔豬喔…落去搵咋…
但KK就話同我一齊落去帶我去買喔….落到去點知行左陣未到佢個到就搵到咯…
好快買完之後就同佢行左陣街…陪佢買左陣野之後就返去喇….返到去佢就眠豬啦…
而我就搞埋個鬧鐘D野就….坐o係皮豬梳化旁邊輕輕靠住皮豬黎眠…
嘻嘻~~好甜好溫馨好暖丫覺得…^^”  但係有樣野忽略左就係唔記得拎張(被)俾自己蓋囉…
接住兩點叫左皮豬起身報數….點知打完電話先知星期六係唔洗囉…..
呵呵呵呵….超無奈….同埋最衰我又真係唔豬星期六係唔洗丫……
如果唔係就唔洗叫醒皮豬又再眠過咁辛苦丫…Sorry喔….
之後發生咩樹又唔記得了…呵呵呵～
(記得再補番喔 ^^”)


12/01/2006
記憶體遺失…..(記得再補番喔 ^^”)

九號晚…因為眠過龍o既關係….so….遲左出門口…
出左門後上車後…又發現係唔記得拎電話….so…o係下個站就落車跑返屋企o係電話…
唉…..冇鬼用…  拎完電話之後….即刻打俾皮豬…..話趕唔切出黎九龍城接佢收工丫…結果我地改約左地點去旺角等….好彩我醒目咋後尾….選左搭小巴出黎,….
如果唔係我選搭巴士出去的話…咁就又要皮豬等我喇…咁到時一定嬲死我都有份咯….^^”
到左旺角…我地行左陣就去左以前金聲戲院附近o既一間食台式o既小店開餐啦…
呵呵…有人仲食到飽飽出番黎添…開心食…嘿嘿  ^^”
食完就行多陣街街…仲一齊選左盞燈買番屋企添…..買完走個時一行出門口冇耐…就估唔到撞番之前個女朋友Candice….原來佢又轉左工仲掉左過黎旺角返工添丫…
嗯…西灣河住….過黎黎旺角返工…感覺好似遠左D呢….不過返工有時真係冇法啦…^^”
我地後尾同佢一齊食埋野先走…食野時仲傾左好多以前o既野同埋依家o既野…
好彩埸面都算不錯…
呵呵….因為之前真係未試過可以同Ex再次見番仲要同現任的女友坐埋一齊傾計食飯咁架….唔好話咁丫…同Ex做番朋友傾番計都冇…哩次都係第一次。
食完之後送埋佢去搭車皮豬就好趕咁牽我走喇…因為本約左KK佢地落D遲左….
So砰聲去搭的飛番去…..之後仲嘈左陣交先再一齊搭的士落番旺角…拎埋野..
我就走先丫….走o既時候已經好似病病地咁…頭開始痛喇…
上車後仲打俾好多人…..好想有人可以出黎陪我癲番晚…但係有D又唔係落左D就有D眠緊….咁癭理由搵D…落左Do既出黎架嘛…咁我咪即係又搭番車返轉頭出尖咀…. 
到最後…始終都係返左屋企眠算咯～

十號….Lastday…..要搵新工做啦…..唔豬做咩好呢….
人因工作而活著…..活著就是為要責任….
責任而又為誰而負起呢？
呵…自己都唔豬自己講乜…都係算吧啦….
積極D呢…年青人….  ^^”
哩晚出左去接老婆豬皮皮收工….好準時到左…但係佢就因為俾D客拉住…
所以遲左半個鐘後工….不過唔緊要啦….工作要緊嘛….^^
出左黎本應去食埋野先返去…但係就KK急Call番去打牌…so..就即刻搭車返去喇～
但係最後有小巴黎o既時候…皮豬就好快咁沖左上車囉….
我都已經講過冇位咯….但係佢都係仲要沖左上車….仲要坐埋o係最後個行突出黎o既一個單人位添….而仲叫我就坐o係最前左剩落黎o既一個單人位…
結果係一前一後咁樣分開左坐囉….當時個人即刻火都黎埋囉…..
結果亦都係同佢講左出黎….哇..乜咁都得O既咩…
.一上車前我都已經睇到架車冇孖位同埋講左出黎架啦～但係都要上車….
後尾仲同我講話覺得咁O係冇問題….唔覺有D咩野…
跟住我就講話…乜咁都唔覺得冇D乜野?!我諗大部份情人一齊o既時候…
都唔想分開多架啦….同埋又唔係話自己一個人搭車…自己一個人搭車呀…
就話得番一個雙人剩落黎一邊o既位就都話上車ja…
但係依家唔係啵…係一對情侶搭車啵….咁我相信….大多數人一齊出街o既時候…
都想個一刻可以耐D或停留就最好架啦…..當一對正常蜜運o既情侶…
有咩好得過可以同自己鐘意o既人做每一件事角啵….多數都係咁架啦…唔扯得分開架嘛…
唔通……情侶一齊食飯個時…間鋪得番兩個分開好遠o既位,…又照入去分開食？!食餐飯好快ja….又好似睇戲咁樣….好鐘意睇某套戲啵…
又係得番一左一右分開兩邊都隔好遠o既….咁又照入去睇？!睇套戲好快ja…
(咁多年黎都係第一次咁樣)

最後就係為左咁又嘈左陣…Down晒….之後送左佢返屋企…就話走喇我…
但係結果係入左去房傾埋….同傾多陣之間o既問題…而結局係…解決左。
接住我地就出番房門啦,…冇耐我同皮皮豬….落左街拍拖拖….一齊去食野…
一齊去打機….玩完又返去皮豬屋企…..返到去之後…..皮豬又話要同我化妝喇～
講左咁多次…..今次終於滿足左佢o既需要啦～哇哈哈哈….XDDD
咁大個人都係第一次俾人幫我化妝咋   >_<  第一次就咁冇左啦～555555 XD
之後佢地就打牌喇….我就打番哩幾日發生過o既事落日記…
由於要諗番哩四日發生o既事同埋做過左…so花左三個鐘頭左右到啦…
終於諗番晒D野出黎….   =.=+
唉..老喇…人真係冇乜記性….呵呵呵呵…

十一號o既朝早八點廿二分。佢地仲打緊牌…而我就打完哩幾日發生o既野喇…
差唔多該去眠豬啦,,,呵呵呵呵….^^”

部車星期六原來拎左去整….唔知幾時先整番好呢…  >w<”
突然好想渣車遊下時….又冇得渣…><”
今晚令到冇得同阿奇去遊車河….Sorry呢….我都唔想…  >.<
唔豬幾時可以整好呢…希望可以o係我哩排放假整好…
咁就可以有D時間俾我可以渣車去行番轉丫~

四號哩日係要返工架喇….嘿…^^”
但係因為眠到超級過晒龍唔知醒…So…射左波冇返工丫….^^”
咁哩日就一眠眠到夜晚六點幾丫好似….之後就o係脆皮家叫左個Pizza食..
食完之後….阿雪、小欣、KK同埋老婆豬脆皮佢地傾陣計時又睇下電視…
掉低左我一個人玩電腦丫～  XDD跟住冇耐一個按一個走嚕….
KK返工眠到八點九起身出眠….小欣同阿雪都走…但係唔記得因咩樹走嚕…^^”
咁間屋就得番我同皮皮豬兩個人唷嘿嘿
我地o係樹睇電視玩下電腦…又傾下計時….不知不覺一個坐o係梳化..
一個坐o係地下靠住梳化向住老婆豬睡著了丫～@@”好彩大家都冇凍死..
嘿….因為處於甜蜜而又暖笠笠o既戀愛狀態嘛…..呵呵……善殺旁人…XD
到十一點幾左右個時我地起左身….好似係俾電話Call醒架…
起身後發現KK打左好多次黎我同皮皮豬個電話到…
後尾得知係唔舒服叫皮豬出去頂位之後到KK返黎丫…
但後黎因為時間出現問題又唔駛嚕…
另一個電話就係話Ivan今晚生日…出去一齊打便爐…
但到最後我只係打左個電話俾佢同佢講聲生日快樂就冇出到去喇個晚..SO,Sorry 呢～
反黎我地肚仔餓喇～所以落左街諗住去七仔買野食架..
但入到去玩左陣之後…最後決定去左飲早茶十二點幾一點個瘟?繒r間…
哇….超耐未咁試過喇都…以幾年前無聊得濟就會渣車同埋幾個朋友出去大圍飲茶o既…
飲完我地就返屋企喇…之後KK同佢男友Gary亦都接住返黎….
因為KK唔舒服丫…返到黎搞掂晒D野就好快入房覺豬啦….就冇再同我地heL下咁喇…
而我同皮皮就梗係趁有二人世界o既時間….甜蜜一番啦…..呵呵….

到五號天光個時…有人曳曳左嘿嘿…之後先至出門口返公司睇下咩環境…
而成晚就冇眠過喇～返到去本身諗住冇架啦…..點知出封warning letter黎…  -0-+
吼…..傻架間公司真係。收工返到屋企…好累..食埋飯…同老婆脆皮豬傾左陣電話…..佢就出去Ready落348喇～咁我就只好留o係家中睡覺丫～       ><”

六號正常返工放工….而差唔多o係放工個時…
先得知原來有位之前o係到做緊o既同事入左醫院…..仲o係五號晚10點因腦中風過左身………….心情………

七號…星期六晚…激嬲左人丫…最終仲要返埋大陸玩添…
結果亦都係個晚玩完之後就即刻第朝落番黎香港丫…

八號朝因為有人嬲嬲….So…要砰聲講過話玩完第日就落番黎就真係要落番黎…
但係最尾落番黎都係返左自己家覺覺豬….眠到夜晚約八點幾左右起身…
之後就出左去搵老婆豬豬….哄番老婆豬豬脆皮之後….我地就出左旺角食野..
仲叫埋佢哥哥(阿強)….出黎一齊去食打便爐添….
食完之後我地就走喇….送左佢哥哥去搭的士之後…..
就到我地搭車返深水步搵KK同Leo丫啦o係機鋪……..
搵完之後去埋什貨店….買埋四盤大維他檸檬茶之後…..就番屋企啦….
返到去Leo好似過左陣就走左但黎後尾又返左黎….
但到最後又好似返左屋企喇四點幾個時….因為我偷聽某人講電話聽到丫..
呵呵….咁我同皮皮都眠豬丫….但係眠我就眠左個幾鐘…XS
而皮豬就碌左成個幾鐘我起身後都未眠過…..真係辛苦左佢丫….
因為佢同我生活時間真係倒轉。

31號星期六….今日工作只是半天而已。
不過都要下午成差不多五點鐘才下班    (可憐…..55555555   >0<)
收左工就去左搵女朋友仔脆皮啦…嘿嘿..每次見到佢都好開人,,,,
唔豬點解….可能因為佢傻丫…哇哈哈哈….
講笑咋…不要扁我喔…呵呵呵呵…XD
衰豬其實都有D似我…成日都賴皮唔願出門口…哈哈哈哈…XD
不過好彩最尾要返九點o既都冇遲到…^^”  因為有我o係到嘛…呵呵呵呵
哩幾日佢返工轉左去大埔…So每次送佢返工前….
都一定經過佢Daddy & 媽咪間食店架..今次亦不例外…
見到面後就叫轉頭過黎一齊食飯丫等等之類o既野…….
丫…之前推左幾次架喇已經。再推就真係好似唔係幾好意思咁架喇  -0-
足知到最後…..送完皮皮豬返工就過左去同佢家人一齊食飯丫….
食完之後…就梗係留低左幫手啦～一定走唔甩架喇…係預左   -0-+
感覺有點怪怪地….自己o係到住咁耐…都未試過o係個咁揚o既位置工作做野 -0-+
個刻超唔豬點咁..亦都老實講真係有點尷尬同難為情的感覺…哈哈哈…XDD
不過後尾都算係好D丫….個晚到最後….幫到皮皮收工返黎…
即係工作時間總佔了約13小時左右。呵呵…爽死了….
最後…我地仲一齊留多陣幫手….
同埋同佢朋友仔Ruby & Ruby男友阿樂食埋野先走…(冇記錯好似係叫阿樂,Ha…Sorry)
食完野就去左我屋企過番D相仔落電腦先再出番去佢屋企丫…
去到之後…真係估唔到個世界真係真係真係咁細…
因為去到個時….見到一個以前約在六年前一齊讀書時識o既同學丫..
估唔到佢地都係識得架…仲要都識左成四年添喇….呆左…呵呵…
我仲一見到佢仲即刻撻左佢全朵出黎…..嘿…..開心死…
個時發覺我D記憶都唔係完全失去..都仲Keep得幾好…哈哈哈哈..中英文名都記得。
哩晚睇左陣碟我就又好安祥咁眠左o係梳化到啦….
跟住就俾傻豬叫醒左入房覺覺豬啦…
而佢地個晚打牌打到成1號下午大約五點幾丫…@.@”
起身之後….就就同皮皮去左食晚餐囉….食完臨走個時買埋細嵐個份就走喇…
最搞野就係走個時仲要o係人地鋪頭門口玩丫…哈哈哈哈…真係仲細咩..XD
不過…..好開心….就真o既….  Thanks  
上到去….就繼續追 “惡魔在身邊” 隻碟睇丫….好衰架我…
一係就唔睇..如果俾我睇到好幾集覺得唔錯的話…我就會追埋黎睇咯…
睇完之後….再heL多陣…就同皮皮又覺覺豬啦～  =w=
發覺同左皮皮豬一齊之後…我好似休息時間多左咁….個人感覺好舒服…
好享受每一刻同埋覺得好寫意…好似好悠閒咁….^^” 
2號….今日起身下午四點幾五點丫…阿文…同SinYan上左黎…脆皮家..
吹左陣吹之後…就一齊出左旺角食壽司丫…本應KK都要一齊去架…
但因某D事….留左o係屋企冇出到去….咁我地食完野之後就…同皮豬兩個..
番一番屋企睇KK家姐點先丫….過一陣就送番皮皮豬落MTR過番旺角..
再搵細嵐同搵番阿文佢夜D再落348丫…
而我就因為3號要返工…So…走左去搭車回家眠啦….
後尾得知個晚好彩KK都冇乜事…都又落埋348一齊玩番晚….
3號…哩日本來要返工架….但係因為起身個時…條腰同隻腳都真係好痛…
So…即刻食番D藥同搵野搽下條腰再Msn番公司話請假唔返…就再去眠過丫..
一眠就眠到….四點幾….起身食飯..冇野做…搞下哩樣..
搞下相仔….再繼續抖抖….夜D老婆豬終於起身丫…..再傾多陣電話…
佢就要Ready出門喇返大埔丫….因為聽日朝要Set頭..夜D就要陪家姐返大陸…
So..今晚佢地入黎先陪屋企人再聽日先上去…


哼哼…有人因為懶豬唔帶叉電器入黎丫….
一陣你返落黎個晚冇電打俾我或我打俾你搵唔到你個時就嬲死你…
呵呵….XD   超大懶皮皮豬…