miKe’S 嬉笑人生

29晚收工之後九點喇….返到黎食岩岩食完野…就又電話到丫..
Jovi打黎….約出去吹陣水….傾左好多關於佢o係工作上不愉快o既事…
之後去車站接埋阿Ling….就去左After 5 飲野喇….
阿Ling飲左杯仔就已經醉醉地啦～  呵呵…
飲完差唔多時間就一齊去左接皮皮收工….再齊齊食野….
食完後…Jovi & 阿Ling走先….但係個衰婆送完阿Ling打左次電話黎之後,..
就再冇打番黎啦,….叫左佢番到自己屋企之後打黎架嘛  -0-+
到30/12,2250打俾佢先有人聽電話….嚇死我啦 
食完野….行左陣…傾計仔…就送左皮皮回家啦…….
點知….又打擾左佢地佢家姐啦…..
本應諗住送左佢番屋企之後就自己番去眠架喇…
但最終又留左o係佢屋企搞豬啦….  ^^”
30號下午…本應今日要去做物理治療架….
但係因為有D事搞到冇去到…要再打電話去約過啦…
夜D就送皮皮番工….送到去佢番工做野個到之前…
o係附近偕係經過佢Daddy &媽咪間鋪個到..見到好多人好忙…
佢媽咪仲主動叫我一陣過去幫手添….@@”
嚇到呆左….XD….我同佢媽咪講…未做過啵…驚會越幫越忙…嘻嘻~..^^
下次都係等皮皮一齊o係樹o既時候先再去幫手啦….
真係驚越幫越忙….XDDD到時就唔好意思啦…失禮晒唔好嘛….^^”

好開心有情人伴我共渡這個聖誕。多謝你呀…脆皮….
24號下午已經電話響不停丫….一個一個的祝福不停送過來…
真心多謝你們的關懷。這個聖誕…我過很得快樂。
我o既生活…不嬲都係越夜越精彩架喇…
所以時辰未到玩個刻之前…就同Nick…& 細妹Jackie…
Ray….同埋阿華一齊去食個晚飯先….
食完之後…就出太子Join人同埋搵左間 ” 太子酒廊” 坐低飲野丫…
坐左陣….我就要走去接皮皮豬過黎喇….
接佢個時…真係估唔到丫…有個驚喜出左黎…^^
就係傻豬送左條溫暖牌頸巾俾我…..嘻嘻~好開心…多謝你呀….啜
跟住我地就去左食D野丫….食完野之後…就番去搵番細妹佢地再飲過…
番到去有個就瞄左丫…有個累到差D眠死左..^^”
不過玩左陣細妹同佢男友Nick就要走先喇…之後就到啟華話第日有野做走先丫….
再過多陣….阿華個班朋友黎左…不過冇位坐關係丫..
過左隔黎間吧飲….飲左陣阿華就番黎咯…同時….皮皮個家姐KK黎到嚕…
仲做左聖誕女郎丫….帶左好多禮物黎大派一番…..開心死大家喇…^^
本身有個Fd雄仔瞄左…..KK就好細心咁照顧佢丫….
嘻嘻~哩個時候…Uncle Raymond細細聲同我講話 KK好好人啵….XDD
o係經過一番照料之後….又再玩番啦…..(感覺不錯)
玩左陣阿Ray俾KK濯醉左囉… 埸面勁搞野呀….呵呵…..開心死…^^”"
皮皮豬又成晚做左侍應咁樣啵..係咁幫人添洒丫….
不過有冇悶親你架….!?   其實去之前…都驚會悶親你架…^^”
飲完之後…阿Ray o係門口又湯左陣丫….嘿嘿…勁High…XDD
抖左抖…..Ray真係頂唔順….最後要打擾KK啦….上左去佢屋企…抖陣。
興奮P既心情仲未告一段落……o係Ray抖緊o既同時…KK有Fd上黎繼續打牌丫…
開心的時刻過得特別快….平安夜….都差唔多結束個時…
亦都係聖誕節正日O既開始時候…25號晚夜深四點幾…


細嵐…阿雪…KK…脆皮…我…殺左落348..
個晚見到佢地都玩得幾開心….落到去就撞到好多人喇….^^
仲認識到脆皮阿哥…Thank You….  =)
不過有段時間…真係好驚….就係o係後梯個時….見到個個係咁Hi野個時..
個刻心情好似好恐怖咁…唔豬點解突然會有咁o既感覺….怪怪的   =0=|||
落完348之後….成班人去左食早餐丫…去食野個時好搞野囉….
皮皮豬帶左我地成班兜左個大圈….XDD  ….勁可愛….
食完又去左西Dog行街映貼紙相….(超耐冇映過啦….)
26號晚,,,,皮皮要返工工…So..送埋佢出去就走嚕…
返黎個旳….醒唔起講起咩….夜D個時又同阿奇落左吧飲野先再歸家眠….


24號平安夜,25號聖誕節,26BoxingDay…哩三日…就係咁過去左喇…
多謝哩幾日陪o係我身邊一齊渡過的朋友….同埋我的情人….脆皮…
多謝你地….^^  (Scanner壞了嚕…請見諒)

琴晚22號晚傻豬女友脆皮係第一日o係西灣河返工…
未返工之前…都驚佢唔識得點樣行條路..怕佢會迷失呢…
因為之前都聽講過佢以前o既事…都知道佢都係有點方向盲個類架喇…
嘻嘻~~^^”  不過好彩就係我都幫左佢DD啦….做定D資料…
同埋…好彩佢去個到係我以前女友住個到附近黎咋…
如果唔係我都唔識點講黎教佢嚕…^^”
嘿…不過今次我都有點冒失丫…即係可以話係越幫越忙架都有D。
嘻嘻~~對不起呢….請原諒喔   ^^”
所謂萬事起頭難…雖然佢今日開單並唔多…
但係…哩D都唔可以話係關晒佢事架….D人買唔買…真係好隨心…
一就一..二就二….同埋今日o係冬至….畫多畫小,,,都有D影響o既…
因為個個人都返晒屋企做冬嘛…^^”
傻豬…唔洗灰心喔….眠醒第日又再努力過….明天會更好丫嘛  XD
記住喔…o係你o既背後仲有我哩個傻佬支持嘛  ^^”  呵呵～

嗯….差唔多o係佢收工o既時候…我亦去左佢公司附近出面等佢收工…
呵呵…係事前冇同佢提過架….總算係個驚喜丫…^^  嘿…
同埋真係驚佢識去唔識返架…夜媽媽一個人…
一行錯路又要行番轉頭咁又唔見左D時間而搞到冇左尾班車搭..
同埋又要再搵過呢…咁就真係唔好啦…天寒地凍…一個女仔…
咁所以呢…就決定出出去…帶佢一次點行同埋話佢聽過左鐘的話…
邊到附近有N車搭番屋企。接左佢之後…我地就落左旺角食野丫…
食野o既時候….我地叫左鐵板餐丫…黎到o既時候….
仲切好晒俾佢一小舊慢慢食丫…呵呵….檸檬茶又同佢篤埋….^^
但係個時…唔記得有人做過D咩啦…搞到我講左句係話..
“哼哼….下次唔同你切唔同你篤…自己搞掂啦…”  呵呵~  XD
但係最尾有人又扭計話唔制啵…呵呵….很可愛呢～
食完飯…之後我地就走去搵埋佢家姐一齊返屋企丫…
返到去…我同佢傾左陣計…傾左一D真係估唔到o既野..
就係佢之前個ex..係我都識得….
同埋就係我同佢之前都可能已經係見過添喇…
嘻~~哩世界就係咁細….細到你唔信…

重拾戀愛的心情….其實真的滿不錯的喔…
兩個人一齊…其實真係唔駛話要專登去做D咩咁樣…
又好多時..兩個人o係埋一齊大家見到大家o既時候就已經足夠嚕…
我就係咁諗丫….唔豬佢係點諗呢又？
哩刻我見到傻豬睡得好甜..就像一個BB女似的…^^
多麼的可愛~ 

今晚打擾晒你同你家姐喇…..
仲有就係….好多謝你俾時間我可以陪住你…心感快樂。

想不到我們在2005-12-20開始了…

夜深人靜o既時候….真係好可怕…
獨個兒地一個o係到諗哩樣諗個樣…越諗就越害怕…越驚…
o係到諗日後將會發生o既事又係點。係好…定係壞呢!?
條路應該係點走先岩呀？可唔可以有條路係簡單D呢？
人…真係複雜….真係可以簡單得到就好喇～
琴晚同左個一年前識ｏ既朋友食飯…一年內溝通冇乜…可以話係冇咁濟..
見到佢….真係令我諗番起我早幾年個時…性格差唔多…
傻傻地…幾樂天開心…感覺活得好開心….但係….。
如果人真係長唔大…永遠都係細路的話…唔知又係咪真係咁好呢!?
仲記得有人好得意咁講左句話…”咩喎..咁人地仲係細路女黎架嘛”
個刻我心冇其他想法…只係真心替佢開心時….
同埋自己發自內心咁微笑左又偷偷地開心左陣…就只係咁多喇…^^”
嘻~好怪…真係好怪…點解我會有哩個反感同感覺o既呢。

人真係漸漸咁長…就真係要諗下日後點樣喇..
每個人行o既路其實都係一樣…經歷o既野…都係個幾類…
只係用o既時間多與小o既分別…同埋一樣就係冇得到選話唔去諗。
諗諗諗…諗左好多年喇….一早咩都諗過喇….
早排同我舅父機緣巧合地咁樣有時間坐低傾左個幾兩個鐘頭多o既計仔..
傾哩樣傾個樣…大家o既現時呀…同埋過去成長時係點呀&日後個D又點呀…
傾左各樣之後…先知…我佞家O既情況同佢細個O既佢係一樣…
不論O係屋企又係….出去玩又係….一樣呀!

人呢….係咪真係諗得太多..就好想得過扯過就咁一日架!?
我依家就真係好想咁樣呀…唔想去浪費精神同時間去睇一個人係咁…
只要開心就得喇….但係我又會諗…得過扯過一日咁唔掂啵…
我最唔想就係浪費時間….就例如夜晚…我好鐘意夜一夜先眠..
唔係因為話玩呀各樣那樣。而係我唔想浪費左d時間去眠..
寧願做自己野呀…聽下歌…睇下書…諗下野都好…唔會俾自己咁早去眠..
就係覺得..人死左呀…就大把時間眠到夠啦…..

我哩個人好怪架….夜一夜眠第日都可以好精神同你返工..
同埋…我夠唔夠精神返工做野都好丫..唔係睇我休息夠唔夠…
而係睇間公司點樣….公司衰O既..我眠夠一夠精神都好…
我都會死樣出黎….一係唔岩就炒我。
我係咁架….玩完蒲完我實第日都做到野架…咁多年黎都係咁…
返到公司只要俾到種感覺我係合群O既..有傾有講O既…
同埋最緊要做到開心個氣氛出黎呢…我就好得做得架喇…
如果唔係咁樣的話呢….呵….間公司就粗魯d講句…賴定屎啦!!

16號晚…同左細妹同埋佢班fd去食飯…補祝番佢生日….^^
咁點解唔15號正日搞呢…就係留番俾佢同佢條仔二人世界嘛^^
呵呵…我地哩D識做o既….哩D日子…有伴侶o既..梗係最好同另一半過啦…^^
唔豬幾時到我o既生日又有伴侶同我一齊過渡呢….嘻嘻~^^”
不過好似05冇丫…04年有丫…03年又..好似有又好似冇…唔記得嚕～
真係唔豬幾時可以搵到個伴陪呢…其實要求好簡單而已。
就係好似有個好似阿妹咁o既…就Okay嚕…呵呵……

Server終於開番喇…趁我哩段休息期間….
有小小時間….要快D搞番好個網站出黎…練番我D code喇..
放低左…唔用真係唔記得….差唔多要由零開始過咁濟…慘..
仲有我要帶番我D Design感出黎…重新黎過…加油喔!!

前兩日…..星期六晚上下班後到了深圳玩…
又落D丫…但係個晚感覺不錯….因為成晚都企o係到…真係企。
加埋起來的跳舞時間…..都不超過十五分鐘…
全程o係到望住人玩….望住人HiGH野…望住人介仔介女…
酒….飲得不多….加起來我想都只有一支多而已。^^
煙….當晚很乖…全晚都只是吃了五支左右而已。
女生?! …. 沒去認識一位。  很乖很乖….
說話…..一整晚加起來都不超過30分鐘。

當天晚上最想不到的事就是…
以前O係Cyber 8 經Fd搭Fd識到的一位朋友…
竟然O係個晚冇約定的情況下撞到…
真估唔到佢都又Cyber 8 玩到去Cyber….
真開心。不過現在的我….不似往時一樣個種玩o既心喔…
此終都….?!  只能說…不同了。

到前天…星期日o既早上…玩完一早就落番黎…
因為有Fd要開工丫….個衰佬仲要渣車添…驚佢High完野渣唔到..
So..一齊落番去,,,出去個轉我幫佢渣。
衰佬真係丫….下次咪High咁大喔….玩完落黎仲要渣車…
真係死左都唔抵呀…我就話死左冇所謂ja…
你後生仔…玩多陣先丫,,,,^^  傻佬…
搞掂晒D野…回家眠…眠左六個鐘到…六點幾就起身丫..
起身有人Msn add我…一黎就同我講…
someone from internet and love to hang up with gals like u

之後再講…
last time when did u go to mainland?

又再講….
so did u notice that somenone was eye on u?

最後講…
Take Care….

咁就完左喇…到最後…我都唔明佢叫我小心D咩..
同埋做咩無端端咁講…唔知佢出自於咩心態…怪怪的。
好老寶咁講一句….定係唔豬佢睇到D咩…
而用錯左心態去睇件事丫定點喇..或者小朋友唔識諗…
而多事或無聊咁講左哩埋野出黎呢？
定係出自真心呀？請清楚明D黎俾我知下。真心感謝。