miKe’S 嬉笑人生

23號…即係今日…^^  都係冇乜特別事發生丫….
而只係一點公司上的問題而已…不提也吧嚕…呵呵～
警告信….出黎啦～哇哈哈哈…..
之但係….俾人截住左…..冇得收封warning Letter丫～
點解….!?  工作表現好做得野來幫我說服上層喎   =0=|||
同埋叫我真係唔好再犯丫….再犯就真係要走得喇～^^”
不過…依家其實一邊做時都仲一邊搵緊工轉…
唔知係咪大公司係咁煩丫…定係真係自己做唔憤呢…
始終覺得夾住好多層好似唔知點咁….最重要o既就係…
做開方牛個班做得好衰….搞到好多數都亂晒….
依家同佢由頭執過…又好似好唔抵咁…..成千幾個item…  =.=|||
但係做得多…又會俾人話你駁上位咩…哩樣個樣… 
即係點？即係做定唔好做好好呀？  -.-|||  定一話索性轉過份工好呢？ 

Wednesday, June 22, 2005
今朝一早九點先離開348丫….番到黎搞掂晒D野…
就眠到半夜點幾鐘喇…..

Tuesday, June 21, 2005
今日返工個時….又有人問我係咪Mix & 外國出生丫….
又問我Daddy&Mummy係咪其中一個係外國人….
話我外貌輪廓生得似鬼佬喎 =0=|| 似外國人Feel添…
丫…咁得意o既點解…成日都有人咁問….同自己差唔多年紀個D人就話似日本人….
而一D比較大年紀o既人….就會話我似外國人鬼鬼地咁…即鬼仔/佬  =.=|||
仲記得有次我去旺角其中一間鋪買野食時….仲俾人話..咦…
講中文講得幾好啵     哇～頂丫…我即時心諗…你唔係又以為我係外國人下話…
定一話當我係大陸人先…./.\  當我係大陸人就免喇～  ><”
放左工….返到屋企…同個晚o係上面識o既女仔玩QQ…
我地又傾左好多野&玩Cam丫…仲send番上次o係上面映o既相俾佢睇番…

哩個女仔都暫時俾到我一種幾好o既感覺…
至小一般俾香港人覺得上面D女仔係好貪錢同埋你有毒品俾佢就易乜都得…
但係哩個女仔…乜毒都唔岩…錢仲好識慳添…o係工作方面仲好勤力添…溝通方面又好隨和…
冇好似其他一般o係上面見到o既女生咁樣…感覺好舒服…好似真係可以做到普通朋友咁….
估唔到o係我人生裡….到現在為止…可以交到兩位上面的朋友…
一位係我之前做電腦Sales時識到o既女生…而另一位就最近識o既哩位女生….
嘻嘻~世事難料呢….不過哩刻會放幾多友情落去呢…就心照啦…^^” 

之但係…日後就真係唔知喇～  ^^”
玩左陣QQ之後…再夜D又落左348　哎喲~　好掛住Cyber 8 丫…
你班人丫….點玩架…玩到o係Cyber 8 俾人BlackList都有架  =0=|||
幾時先有人可以同我過番Cyber 8 呢….  >w<
哩晚….玩玩下….突然有個女仔撩我丫…細細粒粒廋身型….
幾唔錯樣o既女生…問我係咪之前好似唔知o係邊到見過識得咁…^^”
嘻嘻~~哩D說話唔知係咪就係D人落D界仔界女o既開埸白黎呢…？!
之後我就話冇丫…又講話可能只係大家落多左時見過而已ja…
後來大家交換左個名…又玩左陣..傾下計咁..我就同Fd走嚕…
後來我走個時想問佢可否交換個電話架…但見佢同班Fd玩緊…
就冇專登走埋去問佢同佢講聱丫…
個女仔撩我個時…身邊有兩個女生…同四個定唔知五個男生係佢Fd黎O係身邊玩緊架啦….  =.=||   而佢地三個女仔之中…身邊仲有一個好似佢咁又係長曲頭髮架….
就係佢同埋撩我果位女生(口者 哩)都係唔錯O既添…

Monday, June 20, 2005
活得開心…. ^^

Sunday, June 19, 2005
今日請病假冇返到工丫…同時都係夜晚成七點幾先返到落黎香港…
有D人走o既走….而剩番六個人一齊去左 “姑媽@餐廳”  食飯…
邊食邊吹水…..都係講番D琴晚發生左o既趣事….講下講下…
原來仲漏左件事就有…其中有個Fd識到位女生…而個位女生成晚都講白話….
我同某D人初頭都只係以為佢係廣東人…原來後尾先知佢係住O係觀塘….
咁即係香港人黎啦又係… 
哈哈哈哈…而仲要俾我Fd話….邊會有香港妹咁似大陸妹架….xDD
真係估都估唔到…有人會返到上去媾左個似大陸妹o既香港妹…xDD
如果俾個位女生聽到就真係好悲架～   =0=|||
諗諗下…返上去玩o既次數對我黎講真係唔係多…
但係玩左咁多次…最開心都係琴晚個次…..
同埋….琴晚我都真係好似傻左咁…從未試過咁多野講…由D埸入面…
同去完骨埸之後出黎行街個時…個個都已經累到死…
但就俾人話我仲咁精神…咁精靈咁….好似唔駛眠咁…諗下諗下好似又係啵…
係咁接住一個同一個傾…又好似真係未停過咁….我都幾ok丫個刻o既Feel….
至少o係我應為…
o係一大班人裡面…一定要總有一、兩個人識得搞氣氛令全團人唔好覺得咁靜咁先得丫…^^”
總算個晚我都能做得到….

我o係一個點o既人？
我係一個動又得靜又得o既人….只不過…係真係好睇當時o既心情…
同埋D人o既問題而影響….如果對住一班我唔合眼緣o既人…就算你地都真係玩得幾開心都好….
都唔會影響到我…So..我一樣會係好靜…
相反地…就會玩得好開心丫～^^

真係好多謝你地咁多位丫…
阿狗…阿捷…阿聰…Ivan..阿成…阿臘…Fanny…BoBo…Color…Kayee…等等…

Saturday, June 18, 2005
嘩….哩日返工真係忙到PK嚕….全日未停過走黎走去….
真係累到扒o係到丫….未試過星期六返工都可以咁多野做咁累架…
不過…放左工之後去在去左鬆一鬆…..嘿嘿…^^
就係北上尋歡丫…呵呵…今次係七個男仔三條女一齊上去玩丫….
但係好可惜一去到838門口有人出緊黎之餘….
出面空地早已有一班人企晒o係到lu….之後仲落埋閘添…..冇得玩添…
不過好彩都有地方落腳…只不過係遠D咁解ja…要去都水圍個邊丫..
之但係好彩又灰唔晒….去到個邊都識到位女生….收獲也不錯呢…
但衰就係衰樣野…位女生係我勾入黎先架….但後來玩左陣…酒留O係個肚到太多啦….
要去個Toilet先..咁多我去完出番黎時…已俾我班另一個Fd撩緊丫…./.\
吼….可惡呢  不過算啦….  個晚玩完之後….出左黎…一邊行一邊玩o既時候….
都唔知點解唔捉住我個Fd黎傾同玩…反而走過黎同我傾左好多野丫….個時個刻傾計O既感覺..就好似..真係好似做落左Fd咁樣….=.=||
怪怪的呢…都係第一次有哩種感覺…
落完D之後14個人就去左骨埸丫…去左一間叫咩世外桃園…正骨黎o既…^^
真太過份…去過咁多間都未試過有間話只可以眠到十二點就清房掃人走…
之後問番…個間野D人..原來一至五就一點清房…五、六就十二點…=0=||
要再眠的話就要入停屍間眠….哇…我小丫…等又等成粒鐘…眠又唔俾眠…
臨尾走仲搞笑丫….”世外桃園” 變左 “迷失樂園”…因為有兩個人唔見左丫…
不過好在…等下又搵下…兩、三個鐘頭後就走得啦～
仲俾人o係大廳坐低等緊&傾計個時幫我改多左個名叫 “開心果” 丫～
跟住我地就搭地鐵落左東門丫～食飯行左陣街….篤埋波…就走嚕…^^

Friday, June 17, 2005
記憶讀取中…  (當了) 

Thursday, June 16, 2005
忘了說不了….

Wednesday, June 15, 2005
連玩兩晚….真係人都癲….琴晚去完348…今晚又到1樓玩丫….@@”
無端端同Fd行行下街….俾我突然提意話落D..So…又去左丫…
不過玩完之後…覺得一樓真係唔係咁好玩呢…唔同Cyber 8 & 348 
哩排o既個…成個人好似又變左又唔同左咁喇…
有次我同個識左好多年o既Fd傾計…傾開某D野之後…同佢講左出黎..
之後就同我講番話…識左我咁多年…都未試過見到我依家哩種格…
同時我清楚知道哩種格o係我哩個年齡係唔應該再出現架…
但係唔知點解…自己都要做成咁樣…哩種感覺…就好似反叛…
咁樣玩法…即係同自己作對..會害死自己…亦都有好多野早已看化….所以….

Tuesday, June 14, 2005
朝早六點幾由348走….留左陣…
7點幾上車返去再飛的直接去開工…
呵呵…直踩….未停過…未眠過….